“AC Merpati Ku’ak, Pasajeiru Paniku”

.

Jornal Timor Post - Kuarta-feira, 24 Outubru 2012 

Manajer Aviaun Merpati Indoenzia iha Timor-Leste, Branch Jeffry Winckler informa, aviaun Merpati labele kontinua ninia operasaun mai Dili iha sesta (20/10), tanba AC (Air Conditional) aviaun nia kuak, entaun , ahlo aviaun laran la malirin, needuni pilotu desidi la bele kontinua semo. 

“Akontesementu ne’e la fo impaktu boot maibe pasajeirus sira paniku ne’e maka hamosu informasaun kontrariu,” Jeffry dehan ba Timor Post iha Land Mark, Fatuhada, Dili, Tersa (23/10), relasiona ho akontesementu aviaun Merpaty ne’ebe semo tiha depois tun fali iha Airoportu Denpasar, Bali. 

Nia esplika, tuir sistema tekniku ne’ebe iha, kualker aviasaun ida kuandu semo ona nia labele tun derepente maske hasoru problema iha aviaun laran. 

“Pilotu ida kuandu lori aviaun sai ona husi airoportu, nia tenki halo ‘riten to bis’ ne’e signifika tenki soe aftur par abele aviaun ne’e kmaan, hafoin mak bele holding out un,” Jeffry haklaken. 

Nia hatutan, soe aftur ne’e mos laos lalais depois mos laos iha rai maran, aviaun ne’e tenki soe iha tasi leten ho distansia ne’ebe dook, akontesementu foin lalais ne’e, aviaun Merpati tenki semo hadulas tasi Denpasar nian hodi soe aftur. 

Nia dehan, wainhira la soe aftur, no pilotu obriga hatun aviaun, ida ne’e mak sei fo impaktu boot ba ema hotu ne’ebe uza aviaun, aviaun sei tun ho makaas, mesin sei rahun, roda sei la tahan no tohar hotu no bele hamosu reventa. 

 Manajer ne’e haktuir tan katak, aviaun Merpati ne’ebe sira haruka mai Timor Leste, ne’e mak ida ne’ebe diak liu husi Merpati sira seluk.

.