Jornal Timor Post - Segunda, 22 Outubru 2012
Primeiru Ministru Kay Rala xanana Gusmao komesa orienta ona Unidade
Polisia Tranzito (POLTRAZ) atu hamutuk ho dirasaun Transporte no
Diresaun Patrimonia estadu atu bele fiskaliza kareta estadu ne’ebe
serkula fora husi servisu.
“Iha sirkular Primeiru Ministru ninian, sai iha loron 12 fulan Outubru
tinan 2012 ne’e fo orientasaun ba iha PNTL atu koordena ho dirasaun
transporte no patrimonia estadu atu nune’e hamutuk hodi halo
fiskalizasaun ba kareta estadu ne’ebe movimenta for a de area
servisu,” lia hirak ne’e informa husi Inspektur chefe, Antonio Soares
ba Jornalista iha Kuartel Jeneral PNTL, Caicoli, Dili.
Nia dehan, durante ne’e kareta estadu barak maka sirkula hala’o
arividade privadu, maibe la iha autorizasaun husi dirasaun ka
Ministeriu sira ne’ebe iha, tuir dekreitu lei numeru 8/2003 iha ne’ebe
hateten, uzu kareta estadu nianian.
Tan ne’e, tuir periodu normal, lei hateten katak, kareta estadu ne’ebe
bele sirkula hahu husi loron segunda to’o iha sesta husi oras tuku
7:00 to’o iha tuku 19:00 kalan, maibe kuandu liu ona oras tenki iha
autorizasaun.
Nune’e mos, iha loron sabadu no domingu, kareta estadu ne’ebe bele
sirkula hanesan membru governu, Diretor jerais, Administrador Disritu
no diretor serivsu sira tenki iha gia de marsa.
Wainhira tranzitu hetan kareta estadu ne’ebe sirkula iha fora husi
oras serviso sei halo ceck point hanesan transporte publiku, tanba iha
dekreitu lei numero 8 artigu 4 hateten katak trasporte esadu tenki
kumpri regra hanesan mos transporte privadu.
“Se ami hetan mak kundutor la iha karta kondusaun ne’e ami halo
hanesan baibain kareta publiku, maibe serkula laih aorden servisu
ne’e, ami prende kareta, wainhira lori fali karta autorizasaun husi
dirasaun mak ami foin bele intrega kareta ne’e ba kundutor ne’ebe
lori,” tenki Antonio Soares.
.
Sem comentários:
Enviar um comentário
Nota: só um membro deste blogue pode publicar um comentário.