Jornal Nacional Diario - Kuarta-feira, 24 Outubru 2012
Polisia Nasional Timor Leste (PNTL) liu husi unidade tranzitu Nasional
prende trasporte estadu ninian hamutuk 22, kompostu husi motor 11 no
kareta 11 ho dokumentus patrimonia estadu nian hamutuk 10 resin.
Transporte estadu hirak ne’e, PNTL prende iha check point konjunta ho
Dirasaun Nasional Patrimonia Estadu ho Dirasaun Nasional Transporte
Terrestre (DNTT) ne’ebe halao iha sesta (19/10) espesial ba transporte
estadu nian iha area Tibar, Marabia, Cristo Rei no Fatu Hai tamba halo
movimentu iha for a oras servisu nian.
Ironi liu tan, kundutor neebe lori transporte estadu ne’e, aliende
laiha karta gia de marca (surat jalan), sira mos laiha karta
kondusaun.
“Motor ho kareta sira ne’ebe mak ami prende ne’e laiha gia de marsa
husi sira nia chefi, balun laiha dokumentu STNK no balun fali maske
kareta estadu maibe la marka kareta estadu,” informa komandante
Polisia tranzito nasional inspeitor Xefi Antonio L.C. Soares ba
Jornalista sira tersa (23/10) iha nia servisu fatin kuartel jeral
kaikoli, Dili.
Nia mos hatutan lolos, loron servisu nian hahu husi segunda to’o tersa
no oras servisu komesa husi tuku 07:00 to’o 19:00.
.
Sem comentários:
Enviar um comentário
Nota: só um membro deste blogue pode publicar um comentário.