Jornal Timor Post - Sesta-feira, 19 Outubru 2012
Governu husu familia Saudozo Mauhudo Rnkadalak atu koopera hamutuk ho
ekipa forensiku atu oferese ran, nune’e bele halo identifikasaun ruin
ne’ebe deskonfia husi saudozo Mauhudo, liu husi teste DNA.
“Informasaun ne’ebe hau simu katak, parte familia lakohi fo sira nia
ran ba forensiku atu halo teste DNA, ita hotu tenki hamutuk par abele
buka solusan,” Vice Primeiru Minisru Fernando La Sama ba jornalista
sira iha palasiu governu, kinta (18/10), relasina ho desizaun parte
familia saudozo Mauhudo ne’ebe lakohi teste DNA.
Iha parte seluk, komamndate servisu investigasaun kriminal (SIK),
superitendenti Xefi Calistro Gonzaga hateten katak, maski governu buka
meus atu kontratu nasaun Indoensia atu halo teste ba DNA, maibe parte
husi familia rasik oras ne’e lakohi kolabora teste DNA maka labele
identifika restu mortais ne’e.
Entertantu, Maria da Costa nuudar inan husi familia Saudozo Mauhudo
Rankadalak desidi lakohi hasai ran hodi halo teste DNA tanba tauk.
“Haut auk wainhira hasai ran, durante kiik to’o agora ema ida nunka
hasai hau nia ran,” nia dehan ba jornalista sira iha nia hela fatin,
Kinta (18/10).
Nia dehan, laiha ema ida maka influensia atu labele hasai ran hodi
halo identifikasaun ba ninia oan rasik, maibe nia parte mak tauk duni
atu hasai ran.
“Ema ida la influensia hau atu labele hasai ran, hau mak tauk hasai
ran,” Maria deklara.
.
Sem comentários:
Enviar um comentário
Nota: só um membro deste blogue pode publicar um comentário.