Jornal Timor Post - Tersa-feira, 30 Outubru 2012
Tribunal Distrital Dili iha loron 19 outubru tinan 2012 foti desizaun
ba kazu krime homesidu hodi sunu familia eis Ministru Interior Rogerio
Tiago Lobato iha Fomento 1, loron 25 Maiu 2006 liu-ba.
Desizaun ne’e Tribunal disidi hodi kondena arguido nain rua (Ernesto
Antonio Freitas ho Tito Amaral Guterres) husi arguidu nain 15 ne’ebe
deskonfia komete iha kazu ne’e ho pena tinan 24 kada arguidu ida no
selu indiminizasaun ho valor U$ 39 mil ba prosesu sivil.
Advogadu Manuel Tilman ne’ebe sai defeza ba arguidu sira hateten, la
simu desizaun primeiru instansia husi Tribunal Distrital Dili, nune’e
nia deside halo rekursu atu bele hetan solusaun lolos tuir lei.
Tilman dehan tan katak, prosesu tomak ba kazu nee nia prepara ona, no
tuir planu ohin (Tersa) ka aban (Kuarta) nia sei hatama prosesu
rekursu atu bele desidi loloos tuir lei.
Maske hetan ona desizaun Primeira instansia husi Tribunal Distrital
Dili, maibe arguidu nain ida kontinua hala’o nia servisu iha Irlanda
no arguida ida seluk tama ona iha Komarka Becora.
.
Sem comentários:
Enviar um comentário
Nota: só um membro deste blogue pode publicar um comentário.