Jornal Independente - Kinta-feira, 25 Outubru 2012
Instituisaun Polisia Nasional Timor Leste, liu husi dirasaun polisia
migrasaun hala’o ona operasaun konjunta ba imigrantes illegal no
prostituta iha Distritu hat (4), Distritu 4 ne’e mak hanesan,
Manatutu, Vikeke, Baucau no Lopslaos.
Diretor Sevisu migrasaun, Superitendente Asistente Jose da Costa
hatete, prosesu operasaun ne’ebe hala’o iha Distritu 4 ne’e kompostu
husi Polisia migrasaun, alfandega, SEFOPE, Ministeriu Turizmu Komersiu
no Industria ne’ebe hamutuk ema nain 35 resin.
“Objetivu husi operasaun ne’e atu hamenus boatus ne’ebe durante ne’e
publika konsume katak, imigrasaun fraku tebes hodi kontrola ema
imigrantes ilegal no sirkulasaun aimoruk droga iha rai laran,” hateten
Jose da Costa ba Jornalista iha nia servisu fatin vilaverde, Dili,
Kuarta (24/10).
Nia esplika, iha operasaun ne’e mak hetan dokumentus illegal, polisia
sei la kaer, maibe sei haruka atu bat rata vistu legal inklui
trabalador estranjeiru ne’ebe deskonfia uza vistu turista hodi buka
servisu iha rai laran.
Jose da Costa mos lamenta tebes ho deklarasaun husi reprejetante povu
iha uma fukun katak, deskonfia envolve pesoal polisia migrasaun hodi
hatama aimoruk at no trabalador illegal tama mai Timor Leste.
Total Polisia migrasaun Timor Leste hamutuk ema nain 75, husi total
ne’e, ema nain rua hala’o servisu iha rai liur, nain rua seli kontinua
halao sira nia estudu iha rai liur no nain 5 seluk oras ne’e hala’o
servisu iha Ministeriu negosiu estranjeirus (MNE) hodi prepara sira
atu ba servisu iha rai liur.
Entre numeru sira ne’e, tuir Jose, la sufisiente hodi hala’o kontrolu
ba area tomak iha rai laran.
.
Sem comentários:
Enviar um comentário
Nota: só um membro deste blogue pode publicar um comentário.