Jornal Independente - Kuarta-feira, 24 Outubru 2012
Bancada FRETILIN Ezizi ba eis Prezidenti Parlamentu Nasional, atual
Vice Primeiru Ministru, Fernando La Sama de Araujo atu entrega ona
kareta PN no residensia espesial ne’ebe to’o oras ne’e sei okupa hela
husi Vice Primeiru Ministru La Sama.
”Hau hakarak foti kestaun rezidensia ofisial PreZidenti Parlamentu
Nasional no karreta anti bala ne’ebe oferta husi Kuwait nian ne’ebe
eis Prezidenti PN seidauk intrega,” deklara deputadu Francisco Branco,
iha uma fukun PN, (24/10).
Deputadu Bancada FRETILIN ne’e dehan, lideransa politiku iha Timor
Leste tenke fo ezemplo diak uza patrimonia estadu nian atu funsionariu
publiku bele banati tuir ida ne’e.
“Tradisaun Timor Leste ukun nain sira no boot sira maka fo ezemplu se
lae lia fuan Indoensia nian katak, guru kencing berdiri, murid kencing
berlari, se boot sira mak hatudu uluk, kiik sira sei halo pior liu
tan,” tenik nia.
Branco mos dehan tan katak, husu ba Sekretariu Estadu asuntu
parlamentar atu hato’o ba Vice Primeiru Ministru hodi entrega kareta
no hamamuk ona uma ba titular orgaun soberanu segundu ne’e.
Hatan ba kestaun ne’e, Prezidenti Parlamentu Nasional, Vicente
Guterres hateten, nia rasik kombina ona eis Prezidenti PN, maibe to’o
agora seidauk hetan fali rezidensia foun atu hela.
“Hau labele obriga nia sai lalais, tanba laos ita nia eis prezidenti
PN ne’e mak lakohi husik uma ne’e,” Vicente esklarese.
,
Sem comentários:
Enviar um comentário
Nota: só um membro deste blogue pode publicar um comentário.