“Deskonfia Membru PNTL Tiru Populasaun Iha Tasitolu”

.

Jornal Independente - Segunda, 22 Outubru 2012 

Populasaun sira ne’ebe mak domisial iha Aldeia Besi-Mean, Tasi-Tolu, Komoro, deskonfia foin lalais ne’e hetan ataka tiru husi membru Polisia, iha sira nia hela fatin.

 Reprezetante familia vitima husi uma kain tolu, Cecilia Barbora konta katak, iha Kinta (18/10) mosu ataka malu entre gurpu rua, problema ne’e, rzulta uma kain tolu hetan estragus inklui Mikrolet no Motor ida. Antes ne’e, mosu desputa rai entre Rosa Valente ne’ebe reklama katak, rai ne’e sira sosa ona, maibe, uma kain tolu ne’e la konkorda, ne’e duni distribui fatin ne’e. “Sira mia ho kareta ida, ema ida tiru uluk dala tolu depois mak nia dehan, ataka, nune’e, nia membru diretamente hala’o atake,” konta Cecilia. 

 Hafoin ema sira ne’e tun husi, sira tama uma laran hodi estraga hotu sasan iha uma laran inklui uma kakuluk. Bainhira problema ne’e mosu, membru PNTL ho inisial JV mos iha fatin akontesementu, ne’e duni, deskonfia maka’as katak, kilat ne’ebe tiru deskunfia mai husi membru polisia JV. 

 Hataan ba kesatun ne’e, memebru polisia JV hateten, nia rasik ba duni iha area ne’e, maibe la’os nia maka tiru, tanba iha tempu ne’ebe kuandu mosu ona problema, nia rasik mak kontaktu ba polisia estasaun Komoro hodi atua situasaun. 

.