Primeira Dama Isabel Ferreira Rekoinese; “Durante Tinan 10 Ukun An Povu Kontinua Izoladu Tamba Buat Ruma La’o Loos”

.

Notisia Husi TVTL - Tersa-Kalan, 23 Outubru 2012 

Primeira Dama Isabel Pereira hateten, maske Timor Leste hetan ona independensia iha tinan 10 maibe suku Duyung ne’ebe partensia ba distritu Dili sei ijoladu, Isabel Pereira husu ba povu atu servisu maka’as. 

Primeira dama hala’o primeira vizita ba Aldeia Manutelu-lao, Leobutu no Has-laran hodi dialogu ho komunidade iha area ne’eba. 

Iha vizita ne’e, Isabel Ferreira hateten, maske nasaun ne’e hetan ona independensia maibe povu iha suku Duyung Metinaru sei kontinua ijoladu. 

 “Ita bele dehan iha mudansa balun, mas mudansa ne’e iha kapital Dili de’it, ezemplu konkretu mak suku Duyung ke halo parte ba Distritu Dili, nia sei ijoladu iha tinan 10 nia laran, ne’e hatudu ba ita katak, buat ruma la’o la diak no laloos iha ita nia ukun an ida ne’e, tamba ne’e ita labele tur halerik deit, maibe tenki hatudu buat ruma ba ukun nain sira,” dehan Isabel Pereira. 

Komunidade iha Suku Duyung ne’e afirma, sira to’o agora seidauk bele hetan asesu ba estrada, eletrisidade bee moos no selu-seluk tan. 

 Nune’e, observasaun Jornalista TVTL iha terenu hatudu katak, povu iha area ne’ebe la hetan asesu ba estrada, bee moos, ahi no povu hetan deit asestensia ba saude liu husi programa sisika fulan ida dala ida. 

.