Jornal Nacional Diario - Tersa-feira, 23 Outubru 2012
Direktur Ejekutivu Fundasaun HAK, Rogerio Viegas Vicente sujere, ba
prokuradoria Geral da Republika (PJR) no Comisaun Anti Corupsaun (CAC)
atu halais prosesu investigasaun kona ba kazu korupsaun ne’ebe oras
ne’e dadauk sei pendenti hela iha CAC, atu nune’e antes tinan ida ne’e
remata bele prosesu ona iha Tribunal.
Rogerio Viegas mos husu ba PJR atu fo sai ba publiku kona ba prosesu
rejultadu servisu CAC ninian durante ne’e, prujemplo kazu hira mak
investiga no kazu hira mak haruka ona ba iha PJR.
“Prokuradoria Jerald a Republika mos tenki fo sai ba publiku kona ba
akujasaun alegasaun kazu korupsaun ne’ebe durante ne’e Ministeriu
Publiku haruka ona ba iha Tribunal, nune’e husu ba tribunal atu halais
prosesu julgamentu ba kazu alegasaun korupsaun ne’ebe mak iha,”
Rogerio Viegas informa asuntu ne’e ba JNDiario iha knua Fundasaun HAK,
Palapasu, Tersa (22/10).
Relasiona ho kestaun ne’e, Yayasan Hak husu ba Parlamentu nasional atu
alais diskusaun kona ba lei anti korupsaun ne’ebe sei esbosu, atu
nune’e bele finaliza iha tempu badak, nune’e bele fo nehan ba CAC atu
tata koruptor sira ne’ebe dadaun ne’e signifikadu tebes.
,
Sem comentários:
Enviar um comentário
Nota: só um membro deste blogue pode publicar um comentário.