Deskonfia Tau Veneno; “Alunus 54 Baixa Hospital”

.

Jornal Timor Post - Tersa-feira, 23 Outubru 2012 

Alunus Ensinu Baziku 54 iha Suku bauro, Sub-Distritu Lospalos, Distritu Lautem, hetan baixa iha Hospital Lospalos tanba han hahan merenda Eskolar ne’ebe deskonfia kahur ho veneno. 

“Hau iha informasaun ida iha hau nia suku Bauro, eskola primaria ida iha ne’eba, ema tau veneno ba labarik sira nia hahan, entaun kuaze estudante 30 resin maka ba para iha Hospital,” informa Duarte Nunes, Deputada bancadu Parlamentar CNRT, iha uma fukun Parlamentu Nasional, segunda feira (22/10). 

Deputadu ne’e mos husu atu povu tomak kolabora hodi halo investigasaun ba kazu ne’e, tanba nia deskonfia katak kazu ne’e organizadu. Entertantu, Aurelio F. Ribeiro husi deputadu Bancada FRETILIN mos hateten katak, vitima ba akontesementu ne’e la’os nain 30 resin de’it, maibe oras ne’e sa’e ona to’o 50 resin.

 “Iha Lospalos iha eskola Bauro, iha problema ida kuaze labarik 54 maka kona racun,” hateten Aurora. 

Nia haktuir, problema ne’e nia deskonfia mai husi parte tolu, Primeiru mai husi hahan, segundu ema mak tau, no ida seluk maka sira tein ne’e. 

Maibe iha mos informasaun katak, veneno ne’e hetan husi ema liur, ne’ebe bosok dehan temperus ne’ebe labarik sira lori ba tau sira nia hahan, ho problema ne’e nia husu atu liu-liu Alfandega atu atensaun ba sasan ne’ebe tama iha Portu. 

.