Osan U$ 50 Milloens; “FRETILIN Fiar Governu Sei La Konsege Ezekusaun”

.

Jornal Nacional Diario - Segunda, 22 Outubru 2012 

Bancada Opozisaun FRETILIN, iha Parlamentu Nasional (PN), konsidera, orsamentu Retifikativu (OR) ho montante U$50 milhoens ne’ebe aprova ona mak to’o tinan ikus governu la konsege ezekuta ho susesu maka sei hatudu momos governu nia inkapasidade. 

OR U$50 milloens ne’e hetan aprovasaun husi PN ho votus maioria a favor 40, kontra 25 no abstensaun 0, oras ne’e dadaun komisaun C trata asuntu Ekonomia no Financas halo ona redasaun final no intrega tiha ona ba Presidenti Parlamentu nasional atu haree, nune’e, lori ba Prezidenti da Republika atu promulga. 

Tuir deputada FRETILIN Josefa Pereira katak, hahu husi Primeiru Ministru to’o ba membru governu sira tenki ezekuta OR ne’e ba interese povu nian, la’os haree deit no gasta nara-naran deit tuir gostu. 

“Hau espera katak, sira sei utiliza osan ne’e hatudu inkapasidade ezekusaun husi governu hanesan hatudu mal jestaun, planifikasaun mos lalos,” dehan nia.

.