Jornal Timor Post - Sesta-feira, 19 Outubru 2012
Prezidenti Komisaun Funsaun Publiku, Liborio Pereira ameasa kua
funsionariu servisu autonomu de medikamentus no Ekipamentus Saude
(SAMES) nia salariu, wainhira funsionariu hirak ne’e halo asaun greve.
Tuir Liborio, greve ne’e iha regras no iha lei greve nian, nia hateten
se mak halo greve deskontu nia salariu durante loron hirak nia la halo
servisu.
“Hau seidauk hatene detallu kona-ba asuntu greve ne’e, hau haree liu
husi Televizaun, tanba ne’e presiza analiza didiak no iha lei greve
nian ne’e, se mak halo greve deskontu nia salariu,” nia dehan ba
jornalista sira iha salaun komisaun Nasional eleisoens, Caicoli, Dili,
relasiona ho funsionariu SAMES ne’ebe atu halo greve.
Antes ne’e, Ministru Saude, Sergio Gama Lobo afirma, servisu autonomu
de medikamentus no ekipamentus Saude (SAMES) seidauk bele sai empreza
publiku (EP), tanba ne’e Sergio hateten, MS labele kumpri ezizensia
servisu nain sira nian.
Nune’e mos antes ne’e, Servisu nain SAMES, Tersa (16/10), hahu ona
halo greve hodi hapara total atividades, no eziji Ministeriu Saude
tenki kumpri akordu 1 Janeiru 2012 kona-ba subsidiu ba hahan no
konbustivel.
Asaun greve ne’e mos ameasa taka odamatan distribuisaun aimoruk,
emerjensia, regular no oksijensia ba Ospital Nasional no distritu.
.
Sem comentários:
Enviar um comentário
Nota: só um membro deste blogue pode publicar um comentário.