Jornal Independente - Kuarta-feira, 24 Outubru 2012
Sentru eletrisidade oliu pezadu hetan ona inagurasaun iha loron 28
Novembru 2011, governu promete, wainhira sentru ne’e inagura sei fo
eletrisidade ba povu tomak, maibe pergunta mosu, povu tomak asesu ona
eletrisidade ka lae????
Realide ne’e, preokupasaun sei kontinua mosu husi povu kiik sira liliu
iha area rural, ezemplu mak komunidade husi Sub Distritu bazartete,
Distritu Likisa, kestiaona to’o ohin loron seidauk hetan riman husi
eletrisidade ne’ebe governu promete ona.
Komunidade Lola Ornai da Cruz hateten, dezde ukun an to’o agora
komunidade iha Bazartete seidauk hetan eletrisidade ne’ebe governu
promete ona.
“Ami iha ne’e la senti ukun an tanba ami sei moris iha nakukun laran,”
hateten Lola ba Independente (23/10).
Entertantu, Xefe Sentru saude Bazartete, Silvino da Silva hateten,
sira infrenta difikuldade boot wainhira moras ruma ka feto ruma mai
partus iha tempu kalan.
“Ami araska wainhira pasiente ruma mak moras ka atu partus iha tempu
kalan tanba nakukun,” hateten Silvino.
Nune’e, Xefe Sentru saude ne’e husu ba governu atu rezolve problema
ne’e, nune’e komunidade sir abele hetan asesu no sentru saude bele
halo servisu ho diak iha dader no kalan.
.
Sem comentários:
Enviar um comentário
Nota: só um membro deste blogue pode publicar um comentário.