“Estudante Sai Alvu Pronografia no Droga”

.

Jornal Independente - Segunda-feira, 29 Outubru 2012 

Problema ai-moruk aat droga inklui filmajen pronografia, la’os foin maka mosu no sirkula iha Timor Leste hodi envolve ema idade boot (adultu) maibe sai mos alvu ba joventude, liuliu estudante sira. 

To’o ohin loron sai ona hanesan kustume, tanba implementasaun lei ne’ebe mak regula kona-ba pronografia no ai-moruk driga seidauk forte, ne’e duni fo oportunidade ba ema estranjeiru sira atu hatama mai ona ho maniera oioin. 

Juvita Soares (39) hateten, maioria estudante ne’ebe mak sei joven oras ne’e dadauk afeita maka’as b aproblema sira ne’e no impaktu mak halo konforme sira nia hakarak.

 “Hanesan inan-aman it abele kontrola ona sira, bainhira ita besik sira iha fatin ne’ebe deit, maibe problema mak ransun kuandu tempo ba eskola, labarik sira ikus ne’e fasil liu atu monu ba tentasaun, tanba era modernizasaun,” dehan nia iha Komera foin lalais ne’e. 

Nune’e mos, Alda da Costa ho idade 45 hateten, hanesan nasaun ne’ebe mak foin ukun an povu barak seidauk hatene klean liu nio hatene atu husu deit governu atu labele fa’an VCD porno, maibe problema mka buat hotu asesu iha internet. 

Hatan ba preokupasaun ne’e, Ministru edukasaun (ME) Bendito Freitas hateten, sirukulasaun ai-moruk aat no pornografia iha TL ne’ebe mak envolve ema barak, inklui estudante sira, ME sei foti medida dizplinar bazeia ba evidensia ne’ebe kompletu. 

,