Jornal Nacional Diario - Tersa-feira, 23 Outubru 2012
Jogus ilegais ne’ebe ejiste iha nasaun ida ne’e, diskonfia Komandante
Policia Nasional Timor Leste (PNTL) balun mak ‘backing’ hela, tanba
orden tun taka tiha la to’o fulan loke hikas fali.
“Hau desde uluk Komandante PNTL ne’e hau nunka fiar, tanba dala barak
nia ba taka tia jogus ilegais maibe sira rasik mos backing ba jogus
ilegais sira ne’e, hau la hatene ita boot sira fiar nafatin ba
komandante ida ne’e, hau mak Primeiru Ministru minutu ida ne’e kedas
nia sai,” dehan reprejetante povu iha uma fukun PN, husi bancada
FRETILIN, Osorio Florindo da Costa, ba Jornalista (22/10) iha
Parlamentu Nasional.
Osorio mos sublinha katak, Mesin ba jogus ilegais sira ne’e, hahu husi
Kulu-hun nian sa’e ba ne’e, Palapaco no fatin hirak seluk, Komandante
PNTL boot sira mak backing iha ne’eba.
“Hau hetan mos husi membru governu rasik, hanesan hau fo ezemplu
Polisia intelezensia detekta katak, iha aimoruk droga iha fatin ida,
orientasaun husi komando jeral sira ba buka la hetan aimoruk ida ne’e,
mas depois membru governu sira ba buka hetan fali, ne’e ita analiza
buat ne’e konkalikong ona,” dehan Osorio.
Deputadu Bancada FRETILIN ne’e mos dehan tan, koalia kona ba droga,
sistematiku no organizadu tebes, ne’ebe oinsa mak intelejensia sira
tenki koopera malu halo didiak para rezolve problema hirak ne’e.
Nune’e mos, kona ba feto protistuta rai liur sira ne’ebe maka lori
moras tama iha Timor Leste mos iha nia rede hotu, ralidade tanba ema
uza viza turista mai iha TL bele hela to’o tinan.
.
Sem comentários:
Enviar um comentário
Nota: só um membro deste blogue pode publicar um comentário.