Vicente Maubocy - “Tratado Tasi Timor (Timor Sea Treaty)”

.

Jornal Timor Post - Sabadu, 20 Outubru 2012 - OPINIAUN Husi: Vicente Maubocy 

Iha tinan 2007, 23 Fevereiru tratadu CMATS hahu vigora (CMATS treaty enters into force), maibe durante tinan 6, nia laran, maka planu dezenvolvimentu, la implementa no akordu ne’e resik sei termina. 

RESERVAS BAYU UDAN 

Prosesu bayu udan maka fo receitas bot ba estado Timor Leste U$ entre 130-150 miloens, mensalmente; hodi nune’e Timor Leste hetan mos U$ 12 billoens depositu hela iha banku Amerika. 

 KUANTIDADE GAS: 

3.4 tcf; Durante tinan 7 nia laran konsume tiha ona 1.2 tcf, hela de’it 2.2 tcf/0.17 (konsumo annual) gas nebe iha, dura tan deit tian 13, folin gas la bot ida, Liquid mak bot dala 3 ka 4 liu gas. 

LIQUIDS (CONDENSATE) 380 MILLION BARRELS; 

Konsumo ka uza tiha ona 275 million barrels durante tinan 9 nia laran, baseia ba konsumo annual 30.55. (275/9) 380-275=105/30.55=3.4 husi rejultado kalkulos ne, hatudu katak, rejervas ba liquids hela deit ona ba tinan 3.4, buat ida ema hotu la hatene osan husi liquids mak folin as liu ekivalente 65%.

 Osan hussi liquids nia maka hotu, receitas drop entre U$ 50-30 milion mensalmente, hare ba figures hirak ne’e, mak tenki iha maximu kuidadu labele gasta osan arbiru deit, atu sunrise tama ba produsaun iha tinan 5 nia laran mai oin, molok servas husi bayu Udan remata. 

VALOR ECONOMIC SUNRISE 

Total rezervas gas iha sunrise, 5.2 tcf; Condensate 225 million Barels, total sales U$ 48 billions, operating cost 8.7 billion. Income ba Timor Leste ba gas U$ 7.8 billion; liquids U$ 5.3 billion. 

Custo Adicional atu harii LNG plant iha Beasu -$5 billion, Nune’e tuir Alfredo Monteiro nia hakarak tenki gasta tan $ 5 billions atu harii infra-estrutura necesarias, nune’e hamenus osan gas nian hela de’it $ 2.5 billions. 

 Tuir referencias husi NGO Lao Hamutuk mega projectos Alfredo nian Tasi mane sei gasta entre $ 5-10 billion. Nune’e osan fundu petrolio nian oras ne’e $12 billion, ema ida naran Alfredo Pires maka gasta tuir nia gostu no prazer, Administration ka management fees 10% ba Projecto tasi mane, ekivalente $500 million dollar atu Alfredo ho nia grupo maka sai milionaries ba patraun foun iha Timor Leste. 

Osan $5 billion aplika atu halo uma ba veteranu sira ho kusto $ 50,000,00 (Cinkuenta mill dollars) kada uma, bele halo uma 100,000 (rihun atus ida), se kada uma emprega ema nain 4 entaun fo empregus ba ema 400,000 Kompara $5 billion ba projeitu Tasi mane Alfredo nian, ho halo uma 100, 000 ba povu, hau la hatene ida ne’ebe mak diak liu? Leitores sira hanesan politiku sira, sociedade civil, parlamentares sira maka halo konkluzaun ba. 

LNG VERSUS FLNG IDA NEBE MAKA DIAK LIU BA TIMOR LESTE? 

Diferensa LNG ho FLNG, praticamente la iha, LNG fasilidades hotu ka infraestrutura tomak halo iha rai leten, FLNG fasilidade tomak tau iha ro leten. Alfredo + Monteiro hakarak LNG iha Beasau, nune’e sei gasta entre $ 5-10 billion, atu sira hetan administration fees 10%, ho racional ida ne’e, maka sira teimoso, bosok tun bosok sa’e atu implementa sira nia planu atu atinge objetivos em vista. 

Atu harii LNG presiza fasilidade ka infraestrutura hanesan: Treatment facilities; refrigeration aquipament, separation equipment; compressors; offloading equipment; port; pipeline; estradas husi Dili ba Viqueque luan atu lori ekipamentu tanba porto seidauk iha. 

RISKOS BA PIPELINE 

Iha tinan 2008 fulan Setembro, depois ami hetan iha rejultado husi Bathymetric survey, ami altera tiha ona ba Alfredo + Monteiro katak, terreno iha tasi okos la favoravel tanba sei hasoru riskus bot, nune’e, hanoin tok opsaun seluk, iha 2011 aviza tan Monteiro iha beasu katak, pipeline ne’e involve difikuldades tecnichas barak, bele hetan sucessu ou insucessu. 

RISKOS ASSOCIADOS 

1. durante faze instalasaun pipe, se be, por acidente tama iha pipe, todan pipe nian husi 700 toneladas aumenta ba 1500 ate 3000 toneladas iha tasi kidun; nebe exceed capacity any pipeline vessel in the word; Oin sa hasoru situasaun ne kuando mosu? 

2. Durante faze produsaun, be ka liquid ruma tama ba pipe laran oin sa hasai? (how to remove it?), se liquid sira la hasai, gas la sa’e husi fatin klean mai rai leten, sistema saida mak uza atu hasai be ka liquid iha pipe laran? La iha duvida produsauneletricidade sei paraliza, Senhores Alfredo ho Monteiro hanoin hotu ona detailus hirak ne? (the devil is in details?). 

3. Pipe ruma monu ba tasi kidun oin sa foti sae pipe? Fabrika pipe lori tinan tolu, tenki hein tan tinan 3 tan?;

 4. La iha sistema ida to ohin loron lay Pipeline ho profunidade 3000, favor ida Alfredo ho Monteiro bele dehan tok ida ne’e? no iha nebe? 

5. Maior problema la bazeia ba slope, mas bazeia ba nature of terrain Very rought (natureza terenu nian ke dificil tebe-tebes) hanesan rai klena naruk, rai halai, no kurvas dificeis atu silu Pipe. 

FLNG 

FLNG sistema ida foun atu fo solusaun ba LNG via pipeline, hau la hatene Alfredo + Monteiro acompania kona ba noticias kona ba impaktu. FLNG nian ras ne’e iha industria gas nian, prelude iha Australia hahu ona ho kapacidade 4 nillion metric ton a yer (mta), petronas iha Sarawak (Malasya) mos adopta FLNG ho kapacidade 2 million mta. 

Noticia recente Santos ho Suez diak 09 Outubru anuncia uza FLNG at Bonaparte Field 250 km East bayu Udan and 250 km West of Darwin. 

Tuir planu Abadi (Indoenzia) besik sunrise mos, atu uza FLNG hanesan mos iha Brazil iha interese atu uza mos FLNG. 

 Buat ida interese, tan sa mak santos ho Suez, la uza deit LNG iha Darwin, ho valor $7 billion, metade bayu udan ba Darwin, terenu iha tasi okos mos kaber hela? Tan sa maka Santos ho Suez prefere FLNG? 

Atan oan, husu ba Alfredo, Monteiro, ita Timor oan hotu halo reflexaun hodi buka resposta. 

CONCLUSAUN: 

1. LNG iha Beasu, ho komplemetares hotu projecto Tasi Mane kusta entre $ 5-10 billion dollar. 

2. Adopta FLNG Timor Leste la gasta osan duit ida, maibe, em troka hetan $ 13 billion. 

3. Seguru liu Governu Timor Leste adopta sistema ida ne’ebe riskos la iha no la gasta osan duit metan ida.

 REKOMENDASAUN !

 Timor oan hotu neon nakloke hodi hakilar ba oportunista sira balun iha Governu atu gasta osan liu-liu ba ‘aihan ba povo nia kabun bosu uluk lai’. Pojecto tasi mane puramente favorese ba grupo Alfredo nian 10% administration fees. !!

 Maun Bot Xanana diak liu buka ema seluk, hodi buka dala hodi hetan lalais solusaun ba surise, tanba governu presiza osan… 

Alfredo ho Monteiro la iha ‘kapacidade’ realidade hatudu tiha ona. !!! 

 Pipeline iha Tasi okos ema ida la haree, diak liu gasta osan ba sasan hirak ne’ebe iha relasaun direta ho povo nia moris loro-loron. 

ITA HEIN!!!!!!!!!!

.