Jornal Timor Post - Kinta-feira, 25 Outubru 2012
Funsionariu Hospital Nasional Guido Valadares, (HNGV) iha parte
Mortuariu halo Bisnis illegal tanba fa’an sasan hanesan tersu hena
mutin, no buat seluk neebe atinji to’o dolares 70.
Kestaun ne’e foti husi deputadu FRETILIN Fancisco Branco, iha
Parlamentu Nasional (PN), Segunda feira (22/10).
“Foin dadauk iha semana kotuk maluk ida husi Betano nia kaben mate,
hau haree ita nia mortuariu iha ne’eba sira prega kedas iha odamatan
nia ne’e, tabela ida 70 dlares ho servisu hanesan sosa tersu no buat
oioin, nia totalidade 70 dollares,” hateten Francisco.
Tanba ne’e, nia lamenta ho aktus sira hanesan ne’e, tuir nia governu
la implementa tuir politika saude gratis hodi halo terus deit povu
kbi’it laek.
Hatan kona ba preokupasaun ne’e, Sekretaria do estadu asuntu
parlamentares ne’ebe enkaminha informasaun husi governu ba deputadus
no husi deputadus ba governu hateten, hafoin halo konfirmasaun,
autoridade husi Hospital Nasional katak, aktus ne’e hapara kedas ona.
“Horseik hau konfirma ba administrador Hospital nasional, sira dehan
katak sira hapara ona aktus hirak ne’e,” dehan Maria Terezinha Viegas
iha Uma Fukun parlamentu Nasional, Tersa feira (23/10).
Nia hateten, tuir lolos parte administrasaun laiha konesementu ba iha
asuntu ida ne’e, maibe inisiativu ida ne’e funsionariu sira hola lori
prepara hanesan aifunan, tersu, voluntariamente ne’ebe maka pesoal
sira husi mortuariu halo.
.
Sem comentários:
Enviar um comentário
Nota: só um membro deste blogue pode publicar um comentário.