Jornal Nacional Diario -Sesta-feira, 19 Outubru 2012
Vice Primeiru Ministru (PM) assuntu Sosiais, Fernando La Sama de
Araujo hateten katak, hari’i militar obrigatoriu la’os labele, maibe
presiza tetu didiak ninia konsikuensia.
La Sama hato’o lia hiak ne’e ba Jornalista kinta (18/10), iha Palacio
Governu, hodi responde kona ba Xefi Estadu Maijor Jeneral Lere Anan
Timor ne’ebe husu Governu atu implementa militar obrigatoriu, karik
tenki kria lei konaba militar obrigatoriu iha Timor Leste.
“Hau hanoin koalia kona ba lei los, ita mos tenki tetu didiak
infraestrukturas, ita nia nasaun ne’e mesak joven mak barak liu,
kuandu ita laprepara didiak bele sai problemas,” eslika Vice PM La Sama.
La Sama dehan tan katak, iha nasaun barak adopta militar obrigatoriu
ne’e tanba ema vanasadu ona, maibe iha kontekstu Timor Leste presiza
hare kestaun hotu, basa munud ne’e globalizadu ona.
Tuir La Sama nia observasaun katak, militar obrigatoriu ne’e jeral
ona, tanba ne’e, presiza saude no mentalidade ne’ebe diak no kria uluk
kondisaun.
“Ita nia joven barak tebe-tebes, agora se ita dehan obrigatoriu ne’e
hatudu katak, sira ne’ebe maka priense criteria, saude diak no mental
diak, sira nia idade to’o ne’e obrigatoriu ona,” haklaken Vice PM La
sama.
Antes ne’e, Xefe Estado Maior FALINTIL-Forsa Defesa Timor Leste
(F-FDTL), Maijor Jeneral, Lere Anan Timor informa, nia parte konkorda
tebes politika estadu atu implementa militar obrigatoriu, maibe
governu tenki kria uluk lei atu reforma politika ne’e.
“Militar obrigatoriu ne’e sempre, iha lei servisu militar obrigatoriu
ninian, Porque iha kriteriu,” esplika Maijen Lere Anan Timor.
.
Sem comentários:
Enviar um comentário
Nota: só um membro deste blogue pode publicar um comentário.