Jornal Timor Post - Tersa-feira, 30 Outubru 2012
Polisia Nasional Timor Leste (PNTL) kaptura ona suspeitu nain 3 ne’ebe
deskonfia oho ema nain 6 husi uma kain rua Aldeia Tasi Mean, Suku
Aidaba Leten, Sub Distritu Atabae, Distritu Bobonaro, Kinta (25/10)
liu-ba.
“Kazu iha Atabae ne’e, to’o horsehik (18/10), ami kaer ona suspeitu
nain tolu sira ne’ebe maka involve diretamente, it abele dehan katak
sei iha nain rua ne’ebe maka halai no sei buka tuir, maibe ohin
(29/10), arguidu balun ami kaptura uluk ona, sei aprejenta ba Tribunal
Distrital Suai atu bele hare sira nia estatutu hanesan arguidu,” dehan
Komandante Jeral PNTL Longuinhos Monteiro.
Longuinhos hatete, akontesementu ne’ebe akontese, kauza husi problema
rai no seluk tan, tanba suspeitu ho vitima sira hela besik malu.
Iha sikun seluk, Vice Primeiru Ministru ba asuntu social Fernando La
Sama de Araujo hateten, triste ho akontesementu ne’e.
Tuir La Sama, ema ne’ebe halo krime hanesan ne’e, la serve atu moris,
tanba hahalok ne’ebe halo hanesan animal ne’ebe laiha kakutak.
Vice Primeiru Ministru ne’e hatutan tan, akontesementu ne’e, sei la fo
impaktu ba mandatu organizasaun Nasoens Unidas iha Timor Leste.
.
Sem comentários:
Enviar um comentário
Nota: só um membro deste blogue pode publicar um comentário.