“Eladio Konsidera Governu La Valoriza Saudozu Mauhudu”

.

Jornal Independente - Segunda, 22 Outubru 2012 

Deputadu Eladio Faculto, membru Bancada FRETILIN iha uma fukun Parlamentu Nasional (PN) kestiaona maka’as desizaun governu nian atu haruka materiun saudozo Mauhudo nian hodi halo teste DNA iha Indonezia, tanba laiha orsamentu atu halo teste iha Australia. 

 Nia hasai lia hirak ne’e, relasiona ho deklarasaun governu nian ne’ebe hateten, posiblidade ruin ne’ebe deskonfia Mauhudo sei halo teste DNA iha Indoenzia, tanba forensic iha Australia laruk liu (rihun U$ 57).

 “Se Governu la iha posiblidade (osan) tanba saida mak ba ke’e sai,” kestiaona Eladio iha Uma Fukun PN, foin lalais ne’e. nia dehan, osan barak ne’ebe agora gasta balun utiliza ba mal administrasaun no korrupsaun diak, maibe lori deit rihun 57 ba halo teste DNA iha Australia labele. 

Eladio mos hateten, governu tenki respeita Saudozo Mauhudu nu’udar lider rejistensia konseptor, nuudar pioneiru ba independensia rai ida ne’e. 

 “Lori fali ba Indoensia ne’e kestaun ida seluk ida, ita tauk lori ba Indoenzia DNA klarifika buat seluk, la’os Mauhudu, agora politika nee uza buat hotu, atu hamate sasan sira hanesan ne’e,” dehan Eladio. 

Tuir nia, ema sira ne’ebe mak oho Mauhudo tenki iha justica no deklara sai sira nia an, tanba balun agora hola parte iha governu laran hodi goza sofrementu Mauhudu no lider rezistensia seluk neebe mate ba rai ida ne’e.

.