Osorio Florindo: Karik Ema Individu Mak Envolve Maibe FFTL La Simu Subornu: “Prezidenti FFTL Francisco Kalbuadi LaY La Kohi Fo Komentariu”

.

Jornal Timor Post - Kuarta-feira, 24 Outubru 2012 

Vice Prezidenti FFTL Atual Deputadu Bancada FRETILIN, Osorio Florindo esplika kona ba informasaun ne’ebe deskonfia Prezidenti FFTL, Francisco Kalbuadi Lay simu subornu husi Muhammed Bin Hammam, ba kestaun ne’e Osorio afirma katak, Federasaun Fote ball Timor Leste (FFTL) la simu kualker subornu, maibe individual iha FFTL maka karik involve iha aktu ne’e entaun bele akontese. 

“Subornu dehan ba federasaun ne’e, hau hanoin hau mos la simu, tanba ami iha difikuldade boot bainhira ami lori jogador sira ba liur de’it mos dala ruma ami hasai ami nia osan rasik,” Osorio tenik. 

Maibe nia dehan, Hammam nunka fo subornu ba ema no nia fiar katak Prezidenti FFTL atual Ministru Turizmu Francisco Kalbuady Lay ne’e nunka apoiu Hamammam tanba nia (Kalbuadi) ne’e atual Prezidenti FIFA Blatter ninia ‘anak emas’. 

 “Se Blater ma fo subornu, hau bele fiar tanba reabilitasaun ba kampu demokrasia ne’e kontribuisaun husi Blatter ho osan ‘satu juta dolar Amerikan’ maibe hau aseita katak, se deit maka reprejenta estadu Timor Leste ka organizasaun saida deit husi rai ne’e maka halo subornu, ita hanesan reprejetante povu ita hotu tenki koalia,” Osorio haklaken. 

 Maske nune’e, Prezidenti FIFA Kalbuadi hafoin debate orsamentu retifikativu 2-12 iha Parlamentu Nasional, foin lalais ne’e, nia (Kalbuadi) lakohi fo nia komentariu sobre asuntu subornu ne’e.

 “Hau lakohi fo komentariu tamba baibain imi (Jornalista) hatene hau lakohi koalia ba media,” Kalbuadi tenki ba Timor Post foin lalais ne’e. 

.