Harii Supply Base: “Governu La Rona Komunidade”

.

Jornal Timor Post - Segunda-feira, 08 Outubru 2012 

Diretor NGO Luta Hamutuk, Mericio Akara hateten maske Governu atu harii Projeru Supply base maibe larona komunidade nia preokupasaun iha Sub Distritu Suai-Camanasa. 

 “Iha tinan kotuk Governu konsege vizita ba iha ne’eba maibe la diskute didiak ho rai nain sira iha sub Distritu refere, tanba Governu koalia ho ema balun de’it, hanesan intendensia atu soran, entaun konflitu orzontal atu akontese,” informa Mericio Akara iha Konferensia da Imprensa iha Farol, Dili, foin lalais ne’e. 

Nia mos hatutan, se Governu la halo konsulta ho komunidade hotu iha fatin refe maka, bele kria konflitu orizontal, tanba ida ne’e sei bele ladun diak ba futuru projeitu Supply Baze iha suai, porntos hirak ne’e maka hau nia straff sira identifika iha Sub Distritu Suai. Iha fatin hanesan, Deputy Diretor LH, Joaozito Viana hateten, durante loron 8 husi dia 23-30 fulan Setembru ekipa Luta Hamutuk halo inkontru ho lideransa komunitariu hodi hatene prosesu dezenvolvimentu baze ba apoiu Supply Baze iha corirido cista Soul nian, liu-liu iha Suku kamnasa, Sub Distritu Suai. 

Tuir Populasaun iha fatin refere katak, komesa inisiu Ministeriu Rekursu Naturais i Minarais (MRNM)) nunka halo kordenasaun wainhira sukat rai iha fatin refere, no laiha espasu diskusaun bainhira halo inkontru ho komunidade. “Sira mos konsidera katak, Ministru Rekursu Naturais no MInarais bosok ona sira, nune’e, sita husu atu hasoru malu ho Primeiru Ministru (PM), Prezidenti da Republika, General F-FDTL ho ulun boot sira, ne’e maka sira hakarak entrega sira nia problema hodi hakotu,” nia esplika.

 Iha indikasaun forte iha kampo katak, MRNM agora dadaun soran populasaun sira ne’ebe hela iha fatin refere, hodi hamosu konflitu orizontal entre komunidade, situasaun ne’e grave.

.