“Longuinhos Lakohi Ko’alia Prosesu Sosa Kilat”

.

Jornal Timor Post - Segunda-feira, 08 Outubru 2012 

Komandante Jeral Polisia Nasional Timor Leste (PNTL), Komisariu Longuihos Monteiro disidi lakohi koalia kona-a Prosesu sosa kilat PM2 V-1 tanba laiha prosesu ne’ebe avansa durante ne’e. 

“Hau lakohi koalia beibeik ba kilat ida ne’e, iha solusaun maka hau koalia, se laiha avansu hau la ko’i koalia,” Monteiro tenik ba Jornalista sira iha Kuartel Jeneral PNTL, Caicoli, Dili, Sabadu 06/10). 

Komisariu hatutan, kilat ho tipu PM2 V-1 ne’ebe sei sosa ba iha instituisaunPNTL hamutuk 75, kilat ne’e kompania ida husi Indoenzia maka fa’an. 

Nia esplika, kilat PN2 V-1 ne’e ho numeru seri hahu husi 0001 to’o 00057, tanba kilat ne’e Timor Leste maka uza primeiru. Molok ne’e, Governu liu husi Sekretariu Estadu Seguransa (SES), Francisco Guterres informa katak, governu sei kria ekipa ida atu bele aranagka ba iha Jakarta-Indoenzia hodi koko kualidade kilat ho tipu PM2 V-1 hafoin bele hola ba PNTL. 

Ekipa ne’e, forma husi SES rasik sei involve mos instituisaun PNTL, F-FDTL, Parlamentu Nasional atu bele haree rasik kualidade kilat PM2 V-1 ne’e. Nia informa, orsamentu atu sosa kilat PM2 V-1 ne’e ho nia montante la to’o trizentus mill dolares.

.