“Forca Amerikanu No F-FDTL Sei Hala’o Treinamentu Crocodile Iha TL”

.

Notisia Husi TVTL - Tersa-Kalan, 09 Outubru 2012 

Ezersisiu konjunta entre Forca Norte Amerikanu no Falintil-Forca Defeza Timor Leste (F-FDTL) sei hala’o iha Tasitolu, hera, Merinaru, Manatutu no Baucau. 

Treinamentu Crocodile ne’e ho intensaun atu hasa’e kapasitasaun F-FDTL ho kualidade ne’ebe diak hodi hametin seguransa. 

 Kestaun ne’e hato’o husi Embaixadores Estadus Unidus Amerika ba Timor Leste, Terca feira (9/10), wainhira hala’o inkontru ho Prezidenti da Republika Taur Matan Ruak iha Palasiu Prezidensial Nicolau Lobato Dili. Tuir Embaixador Estadus Unidus Amerika katak, treinamentu ne’e sei hanaran ‘Treinamentu Crocodile’ hodi hasae kapasitasaun rekursu humanus ba Forca Defeza sira wainhira hasoru tatiku funu, no treinamentu ne’e sei konsentra iha Tasitolu, Hera Metinaru, Manatutu no Baucau. Treinamentu ezersisiu no kapasitasaun ne’ebe fo husi Forca Amerikanu ne’e ho intensaun atu hasa’e koinesementu F-FDTL iha area militar atu fo kuinesementu diak liu tan iha futuru.

.