Jornal Independente - Kuarta-feira, 03 Outubru 2012
Parlamentu Nasional Eziji ba governu, liliu Ministeriu relevante hodi
reforma estrutura no sistema komandu PNTL hodi labele difikulta
servisu Polisia nian.
Durante ne’e infra-estrutura PNTL kontinua sai problema inklui
ekipamentus hodi suporta operasaun.
At liu tan orsamentu jeral estadu ne’ebe preve ba komandu PNTL,
komandu rasik tenki infrenta divida ho montante kuaze milaun U$2,
tanba laiha orsamentu hodi hala’o operasaun.
Realidade ne’e, Prezidente komisaun B (trata asuntu defeza no
seguransa) iha Parlamentu Nasional, deputada Maria Lurdes hateten,
presiza halo mudansa ba sistema no estrutura komando atu aselera no
trasa planu ne’ebe diak.
Komando PNTL presija iha jestaun no administrasaun diak atu labele
monu ba divida, tanba operasaun PNTL diferente ho instituisaun seluk.
Lamentasaun hanesan mos mai husi Deputadu FRETILIN Antonio dos Santos
‘5-5’ hanesan mos membru komisaun B hatete, governu, liuliu Sekretariu
Estadu Seguransa presija kria sistema diak atu komandu labele monu
beibeik iha situasaun at.
Ezemplu, nia dehan, hela fatin ba unidade PNTL sira nian durante ne’e
la favorese, sirtuasaun ne’e afeita ba dignidade instituisaun PNTL
nian tanba fo seguransa ba povu no Estado.
“Hanesan hela fatin ba BOP, UIR, iha Baucau no seluk tan at, ne’e ita
dezmoraliza Polisia,” lamenta nia.
Ia dehan, presiza halo reforma ba jestaun PNTL nian atu ba oin komandu
iha dezenvolvimentu ne’ebe diak hodi fo seguransa ba povu.
.
Sem comentários:
Enviar um comentário
Nota: só um membro deste blogue pode publicar um comentário.