“Lamentavel Estranjeiru Deklara Na’in Ba Rai”

.

Jornal Timor Post - Sesta-feira, 05 Outubru 2012 

Reprezetante Povu iha uma fukun Parlamentu Nasional ko’alia maka’as kona-ba ema estranjeiru rihun sanulu resin ne’ebe deklara sai nain ba rai iha relatoriu annual DNTP nian. 

 “Ita nia konstituisaun garante de’it ema Timor oan ne’ebe direitu ba rai iha Timor laran, ema estranjeiru laiha direitu atu sai na’in ba rai, tanba lei la fo dalan, ema estranjeiru so iha direitu ba aluga, ba hela de’it, no mos la iha diretu mos atu sosa rai,” dehan Deputadu natalino dos Santos, Vice Prezidenti komisaun A, ne’ebe trata ba asuntu Konstitusionais, Justisa Administrasaun, Poder Lokal e Anti Korupsaun ba Timor Post iha Parlamentu Nasional, Kinta (04/10). 

Preokupasaun hanesan mos hato’o husi Deputdau Virgilio da Costa Hornai husi bancada Partidu Demokratiku, tuir nia katak, lei la fo dalan, no so garantia de’it sidadaun Timor-oan atu bele sai dupla sidadaun, maibe ema sidadaun estranjeiru la iha diretu atu sai na’in ba rai, tanba Timor Leste nesaun ne’ebe ki’ik.

 “Atribuisaun de dereitus ba nain ba rai ne’e, tenki ema Timor oan, agora ita nia sidadania ne’e rekoinese de’it dupla sidadania, ba dupla sidadania nia ne’e, tenki haree didiak, se la’e, ema ne’ebe iha kapital (osan) mai hola rai boboot, ikus mai sira iha rai boot, tinan 10 ka 30 mai Timor-oan sira la hetan ona sidade Dili no sira sei hela iha foho,” Hornai informa. 

.