Jornal Timor Post - Sesta-feira, 05 Outubru 2012
“Romao Guterres: Rai No Uma Ne’ebe Husik Tinan 10 Ba Leten Tama Ona
Propriedade Estadu”
Diretor Diresaun Nasional Terras no Propriedades Servisu Cadastrais
(CNTPSC) Romao Guterres hateten, lei rai neebe atu mosu mai,
komunidade sira ne’ebe abandona sira nia rai durante tinan sanulu ba
leten sei lakon direitu.
“Ita seidauk bele dehan, lei ne’ebe atu sai mai, kuandu dehan
komunidade sira tinan sanulu abandona sira nia rai, sir abele lakon
direitu, ne’e bele akontese,” informa Romao Guterres ba Timor Post iha
nia knaar fatin, bebora, Dili, Kuarta (04/10).
Nia dehan, reklamasoens ne’ebe tama iha DNTPSC hamutuk 13.000 (rihun
sanulu resin tolu) husi sidadaun Timor oan ne’ebe hela iha Indonesia,
Portugal, Australia, reklama sira nia riku soin hanesan uma no
propriedade ne’ebe abandona hela iha Timor Leste.
Maibe, tuir nia, sira ne’ebe abandona sira nia riku soin tanba
situasaun funu (Guerra Mundial) iha tempu kolonial, Timor-oan barak
maka hakarak lakohi mate hodi halai ba nasaun seluk.
“Maibe, lei ne’e ba sira ne’e kuandu halo natar ou to’os ruma depois
husik hela tinan sanulu ba leten, ne’e tama ona propriedade estadu
nian ona, maske sira reklama diretu,” nia esklarese.
Diretor ne’e mos rekonese katak, Timor-oan barak iha rai liur sidadaun
dupla, maibe mai rekere sira nia direitu ho sidadaun estranjeiru, sira
sei la hetan direitu ba sira nia rai ou uma ne’ebe iha.
“Ita nia lei, sidadaun ida bele halo kartaun sidadaun dupla, kompara
ho nasaun seluk, maibe karik mai ho sidadaun estranjeiru maka reklama,
labele hetan direitu ona,” nia afirma.
Tanba ne’e, nia husu ba komunidade sira labele husik hela rai ne’ebe
iha, kontinua uza para lei rai nian sai mai labele mosu problema.
,
Sem comentários:
Enviar um comentário
Nota: só um membro deste blogue pode publicar um comentário.