PM Xanana Rekoinese: “Judisariu Sei Frazil, TL Dedependensia Ba Rai Liur”

.

Jornal Independente - Segunda-feira, 08 Outubru 2012 

 Primeiru Ministru xanana Gusmao rekonese, seitor Judisiariu Timor Leste sei frazil tanba ne’e iha mandatu Governu tinan lima mai ne’e sei foprioridade maka’as ba seitor judisariu. 

Xefe Governu ne’e dehan, Politika ida ne’e atu kapasita Juiz no defensor Timor –oan hodi nune’e evita, Timor Leste dependensia ba rai liur. 

 “Lae ita defende nafatin ho sira (jusi defensor) mai husi liur, ne’ebe hatene leis maibe la kumrpiende ita nia situasaun,” dehan PM Xanana foin lalais. Bainhira Programa ne’e la’o, PM Xanana fiar prosesu sira ne’ebe tama iha Ministeriu Publiku no Tribunal hetan rejultadu ida ne’ebe kredivel. 

“Hau lee prosesu barak, la hun la dikin, hau laos advogado, hau lahatene leis, hau la asesu kursu direitu,” dehan PM Xanana. 

Ho realidade ne’e, Xefe Governu rekoinese katak, sitor judisariu Timor Leste sei frazil no seitor seluk mos Timor Leste presiza esforsu. Tanba ne’e, Primeiru Ministru xanana Gusmao alerta katak, V Governu konstitusional ida ne’e, simu posse iha situasaun paz no estabilidade, tanba ne’e laiha razaun atu membru Governu sira servisu dukur. 

 “Se de’it maka sama povu nia ran oituan, hau la oho, maibe nune’e de’it hasai,” dehan PM xanana hafoin fila nia vizita ba rai liur foin lalais. 

Nia mos haktuir katak, Timor Leste atu hetan nia susesu, presiza organizasoens sosiedade sivil, partidus, Igreija no konfisoens rejiliaun seluk, seitor privadu, ejente eokonomia, hotu-hotu tenki partisipa ativamente iha prosesu dezenvolvimentu Timor Leste nian.

.