Jornal Nacional Diario - Segunda-feira, 08 Outubru 2012
Vice Primeiru Ministru (VPM), Fernando La Sama de Araujo fo ona
instrusaun ba Ministeriu Justica (MJ), Dionisio Babo, ho Sekretariu
Estadu Teras ho Propriedades, Jaime Xavier Lopes, atu tau atensaun ba
ema estranjeiru, liu-liu Chineza sira ne’ebe okupa ona rai barak iha
Dili laran no Distritu seluk tan.
Tuir La Sama nia observasaun katak, rai barak maka iha Dili laran
kuaze dumina ona husi Chineza sira hodi loke sira nia atividade
negosiu no halo fatin fali ba ema seluk aluga, ne’e La sama deskonfia
telves ema sira ne’e sosa ona komunidade nia rai hodi uza ema seluk
nia naran.
“Agora hau preokupa tebes Chineza sira hari uma iha fati-fatin, iha
Timor laran, liu-liu ita haree ba estrada ibun tesik sira ne’e,
Chineza sira ne’ebe foin mai ne’e mak nakonu, tanba ne’e, hau husu na
MJ no Sekretariu Estadu atu halo took levantamentu ida ba fenomena
ne’e,” dehan La Sama nia deskursu, wainhira partisipa iha serimonia
fahe sertifikadu rejistu nain ba rai iha Edifisiu Programa ita nia
rain, Balide, Dili, foin lalais ne’e.
Ba preokupasaun Vice Primeiru Ministru La Sama nia ne’e, Ministru
Justica dionisio Babo esplika katak, Timor Leste nia lei hateten klaru
ona katak, ema estranjeiru laiha direitu ba rai iha nasaun ida ne’e.
.
Sem comentários:
Enviar um comentário
Nota: só um membro deste blogue pode publicar um comentário.