Notisia Husi TVTL - Segunda-Kalan, 08 Outubru 2012
Prezidenti da Republika Taur Matan Ruak husu ba xefe suku sira atu
partisipa no prepara an hodi ezekuta osamentu ne’ebe quintu Governu
sei aloka ba kada suku iha tinan 2013.
Bazeia ba planu ida ne’e, Governu sei aloka orsamentu U$ 50.000 (Rihun
lima nolu dolar Amerikanu kada susu hodi halo dezenvolvimentu iha suku
laran ba nesesidade povu.
Taur Matan Ruak hato’o lia hirak ne’e durante ninia vizita iha Suku
Liu-Rai, Sub Distritu Aileu Vila, Distritu Aileu, Taur Matan Ruak
hateten, Estadu aloka osan U$ 50.000 ba kada suku atu ezekuta, maibe
Xefe suku tenki iha kapasidade hodi jere osan refere ba
dezenvolvimentu iha Suku laran.
“Orsamentu ba suku, kada suku hetan U$50.000 kada tinan, apartir 2013,
osan ne’e atu gasta ba imi nia suku laran,” dehan Taur Matan Ruak.
Taur Matan Ruak mos enkoraza Xefe Suku sira durante iha nia vizita atu
servisu maka’as hodi servi povu ho diak, relasiona ho preokupasaun
estrada, saude, edukasaun, bee moos, eletrisidade no selu-seluk tan.
Ba kestaun ne’e, Prezidenti Republika hateten, sei koopera ho Kintu
Governu Konstitusional hodi buka solusaun.
.
Sem comentários:
Enviar um comentário
Nota: só um membro deste blogue pode publicar um comentário.