Estadu TL Kontratu Advogada Norte Amerika: “Ana Pessoa: Juis Amerika Ne’ebe Governu Kontratu La Hatene Lei Timor Leste”

.

Notisia Husi TVTL - Segunda-Kalan, 08 Outubru 2012 

Prokuradoria Geral da Republika (PGR) Ana Pessoa afirma, Tuir Loloos, Governu tenki fo meus tomak atu bele reforsa Ministeriu Publiku. 

 Ana Pessoa hato’o deklarasaun ne’e hodi resposta ba deklkarasaun ne’ebe Primeiru Ministru Kay Rala Xanana Gusmao atu fo kontrata Advogado husi Norte Amerikanu hodi defende estadu Timor Leste ba akuzasaun husi kompania ConocoPhilips. 

Tuir mai ita akompania deklarasaun husi Prokuradoria Geral da Republika Ana Pessoa, ne’ebe fo sai iha TVTL: “Kna’ar Ministeriu Publiku nian, la’os atu defende Governu, atu defende Estadu Timor Leste nian, ida ne’e duni maka ami halo, se ami la halo ida ne’e karik, oras ne’e dadaun Estadu ita nian hetan ona kondenasaun husi Tribunal, iha asaun sira ne’ebe folin boot liu duzentus sinquenta miloens de dollar, tamba Ministeriu Publiku hatene ninia kna’ar, tamba Ministeriu Publiku hadomi rai doben Timor Leste maka ami haka’as an, ami konsege halo kontekstasaun ba asaun ida ne’e, i to’o agora estadu la hetan kondenasaun. 

Kona ba advogado Amerikanu sira ne’ebe, governu kontrata tuir ninia kbiit atu kontrata, kbiit atu kontrata maibe sira atu mosu fali Tribunal tenki tuir lei, maibe atu dehan de’it ba komunidade Timor Leste tomak, katak sira nia intervensaun ne’eba dezastre tebe-tebes, sira la hatene lei Timor Leste nian e halo konke, sira produs dokumentu ida ne’ebe juis haruka sai husi prosesu, tamba rekerementu ida ne’ebe anomalo e tamba anomalo haruka dezentaina sai tiha husi prosesu i kondena tan estadu atu selu kustas.

 Advogado sira ne’e, la reazen i Ministeriu Publiku mak intrepreta fali rekursu, tamba estadu labele hetan kondenasaun,” deklara PGR Ana Pessoa Hodi esplika ba deklarsaun husi parte Primeiru Ministru Xanana Gusmao ne’ebe dehan Ministeriu Publiku la defende Estadu.

.