Sinais Tranzitu Iha Kapital Dili La Funsiona: “Diak Liu Tarde Maibe To’o Seguru Duke Lalais Maibe Lakon Vida”

.

Notisia Husi TVTL - Kuarta-Kalan, 03 Outubru 2012 

 Sinais Tranzitu iha kapital Dili la funsiona ho diak no fo impaktu maka’as ba iha movimentu transporte publiku. 

Tuir relatoriu ne’ebe lansa husi Polisia Tranzitu husi Distritu Dili hatudu katak, total kazu asidenti trafiku ne’ebe rejista iha fulan ida ne’e hamutuk 1000 resin, husi numeru hirak ne’e, lakon vida iha ema 57.

 Funsaun tranzitu maka atu fasilita movimentu transporte publiku hodi lao tuir nia dalan, ne’ebe wainhira sinais refere la dun funsiona ho diak sei hamosu insidenti trafiku. Ida ne’e mak kondisaun riil ne’ebe oras ne’e dadaun akontese iha kapital Dili, tuir observasaun TVTL iha Kolmera nuudar sentu movimentu ho volume boot no mos parte Kaikoli, Dili hatudu sinais tranzitu la dun funsiona ho diak, laos ida ne’e de’it, maibe dala ruma mos motorizada sira la dun iha konsensia atu respeita ba senais tranjitu neebe iha, ikus mai bele afeta ba vida sere umana. 

 Tuir relatoriu ne’ebe lansa husi Polisia Tranjitu Dili, total kazu asidenti trafiku durante ne’e hamutuk 1000 resin, husi numeru hirak ne’e, nain 57 lakon vida, kanek todan 173 no kanek kmaan 979, ho total kazu hirak ne’e, tuir lolos bele sai hanesan referensia ka lisaun ba ema hotu katak, diak liu tarde maibe to’o ho siguru duke lalais maibe sei lakon vida.

.