SNI Fraku: “Afekta Povu Sai Vitima”

.

Jornal Nacional Diario - Segunda-feira, 08 Outubru 2012 

Reprezetante povu iha uma fukun Parlamentu Nasional (PN), husi Bancada CNRT no FRETILIN konsidera, Servisu Nasional Intelejensia (SNI) Timor Leste nian sei fraku, nune’e mosu akontesementu kriminal oi-oin iha terenu hodi afekta povu sai vitima. 

 Deputadu Parlamentu Nasional husi Bancada CNRT, Manuel Guterres hateten katak, intelijensia TL nian sei fraku, hare husi parte lina koordenasaun ne’ebe maka seidauk masimu entre membru sira. 

“Tuir hau nia haree, intelejensia sira sei fraku tanba la detekta antes problema, depois ema sira ne’ebe mak gista asalta F-FDTL, I depois to’o ikus nia prosesu ne’e to’o iha ne’ebe ita la hatene,” dehan deputadu Husi Bancada CNRT ne’e iha PN, foin lalais. 

Entertantu, deputada Florentina Martins Smith, husi Bancada Opozisaun FRETILIN mos hateten katak, SNI tenki servisu badinas hodi informa aktus ne’ebe halai liu ba kriminal ba instituisaun kompotente, nune’e bele halo atuasaun lalais. “Agora dadaun ne’e, iha tempu kalan, Dili Ameasadu ou risku tanba seguransa la estavel, iha tinan ida ne’e nia laran iha akontesementu oioin, ne’ebe mak halo kanek no halo mate ema lubuk ida ona, liu-liu F-FDTL sira lao diak hela, derepenti de’it ema tuda,” dehan Florentina Smith. 

 Tuir nia, Observasaun ne’ebe FRETILIN halo, membru intelezensia la presiza halo seguransa to’o ema nian tolu ka hat, maibe ida de’it mos sufisiente ona, maibe informasaun mak tenki asesu lalais ba PNTL sira hodi nune’e bele atua lalais kuandu situasaun emerzensia ruma mosu.

 “Populasaun sira iha Zona Comoro, Bairo Pite, Manleuana no Becora sei sai risku nafatin, ohin loron ukun an tiha maibe tau atu lao fali,” Lamenta deputada Florentina. Poblema Joventude iha Timor Leste ne’ebe mosu bei-beik, tuir Florentina, tanba menus kampu de servisu, tanba ne’e husu Governu ne’ebe kaer ukun tenki rejolve lalais problema refere. 

.