Timor Leste Krizi Gazolina: “Populasaun no Membrus Governu Balun La’o Ain Ba Servisu Fatin”

.

Notisia Husi TVTL - Kinta-Kalan, 11 Outubru 2012 

Krize Gazolina iha Timor Leste oras ne’e grave liu kompara ho tempu liu ba, maske estasaun kompania konvustivel Belak Fuell sei fa’a gazolina maibe stock hela de’it ba loron ida nian. 

Kinta-feira (11/10), krizi gazolina iha Timor Leste hasoru grave liu tan, tamba hela de’it Kompania Belak Fuel maka sei fa’a gazolina, kada konsumidores labele sosa liu husi litru 10. 

Relasiona ba krizi gazolina ne’e, iha kinta feira dadersan populasaun sira forma ho jeriken, motor, kareta hodi hadau malu gazolina iha kompania ne’ebe refere. “Stock iha ne’e hotu ona, ida ne’e ense hotu pasensia ita hateke malu de’it ona, tamba mina to’o agora seidauk tama, mina ida ne’e rejerva,” dehan trabalador ne’ebe servisu iha kompania Aitula Fuell. 

 Diretur Kompania ne’ebe suporta konvustivel ba estadu Timor Leste hateten katak, problema ne’e mosu tamba pertamina tarde hatama mina mai Timor Leste. 

Hahu kinta-feira ne’e, kompania Aitula Fuell labele fornese ona gazolina ba kareta Estadu no mos ba Publiku. Hatan kona ba Estadu selu tarde, diretur ne’e hateten katak, dala ruma Estadu selu trade duni maibe ida ne’e la’os kestaun ba sira hodi stock mina.

 Relasiona ba krizi mina ne’e, Xefe operasaun Pertamina Indonezia husu deskulpa ba Estadu no Povu Timor Leste, xefe operasaun ne’e hatutan katak, problema ne’e mosu tamba lisensa sporta husi Indonesia tarde, maibe oras ne’e dadauk konvustivel liu litru 54.000 tama ona iha Fronteira Vatugade.

 Winhira dirasaun komersiu hala’o inspensaun ba kompania Pertamina no mos kompania Aitula Fuell no Eto’o identifika katak, krizi gazolina ne’e mosu tamba pertamina hatama mina gazolina tarde mai Timor Leste.

 Ba kestaun ne’e, tuir informasaun katak sei iha mudansa ba folin mina, Pertamina Indonesia sei fa’an ho folin kada litru ida U$1,16 centavos (Dolar Amerikanu ida centavos sanolu resin nen), mina rai U$ 1,22 centavos (Dollar Amerianu ida centavos rua nolu resin rua), Solar dolares Amerikanu U$1,13 Centavos (dollar Amerikanu ida centavos sanolu resin tolu) no pretonas ka ULP U$ 1,35 centavos (dollar Amerikanu ida centavos tolu nolu resin lima).

.