Jornal Timor Post - Kinta-Feira, 18 Abril 2013
Major Jeneral FALINTIL-Forsa Defesa Timor-Leste (F-FDTL), Lere Anan
Timur husu ba grupu Konsellu Popular Demokratika, Republika
Demokratika Timor-Leste (CPD-RDTL) atu labele halimar ho estadu no
Governu.
“Ema bulak mak hakarak koko estadu, sira hakarak koko estadu iha
nasaun ida ne’e, hau hateten ba CPD sira katak, estadu hola kilat ne’e
laos atu tara hanesan infeita maibe lori defende nasaun husi ema sira
ne’ebe hakarak kontra nasaun,” dehan Lere.
Lere mos hateten, nia apoiu afirmasaun Primeiru Ministru nia atu taka
CPD-RDTL wainhira CPD-RDTL nafatin halo atividade la tuir regra.
“Hau dehan ba sira, ital abele kria estadu ida iha estadu ida nia
laran, imi (CPD) dehan katak imi la konkorda no la simu konstituisaun
ne’e sala ona,” dehan Major jeneral F-FDTL hafoin hasoru malu ho
Prezidenti Taur Matan Ruak.
Lere hateten, funu ba libertasaun nasaun ne’e, ema hotu halo maibe la
hanesan, balun terus liu no lakon familia uma laran, tanba ne’e nia
rekomenda ba CPD-RDTL ne’ebe involve ba iha luta libertasaun nasional
atu submete ba estadu hodi labele manobra tun sa’e.
“Hau husu ba CPD-RDTL, liu-liu maluk luta nain sira par abele hatene
no obdese ba estadu Timor Leste,” husu Lere.
.
Sem comentários:
Enviar um comentário
Nota: só um membro deste blogue pode publicar um comentário.