Xanana Autoriza Taka Portaun “Veteranu Ho Seguransa Sivil Raut Malu”

.

Jornal Independente - Sesta-Feira, 05 Abril 2013 

Primeiru Ministru Kay Rala Xanana Gusmao Autoriza seguransa sivil taka portaun ba sedeit mak hakarak hasoru nia, seim liu husi portokolu palacio governu nian. 

Desizaun PM Xanana nian ne’e halo veteranu lubuk ida ne’ebe kompostu husi Prezidenti Organizasaun Combatentes Rezistensia Nasional (OCRN) tenki deskute malu ho seguransa sivil sira tanba la autoriza veteranu hirak ne’e tama hasoru Primeiru Ministru xanana. 

 Akontesementu iha Palcio Governu ne’e halo ema barak paniku tanba mosu dezentendementu entre veteranus no seguransa sivil sira. 

Kronolojia ba akontesementu ne’e akontese maizumenus tuku 10:15 otl bainhira grupu veteranus ne’e ba hein iha palacio governu hodi hasoru PM xanana. 

Bainhira seguransa Palacio sira haree veteranus hirak ne’e hein sira hakbesik hodi husu katak, se hakarak hasoru PM Xanana entaun tenki liu husi administrasaun (Protokolo) Palacio Governu. 

Maibe grupu veteranu hirak ne’e lakohi liu husi protokolu sira hakarak hasoru rasik. Ho ida ne’e seguransa sira husu atu veteranus hirak ne’e fila, se la’e duni deit, tanba PM xanana mak autoriza ema labele tama arbiru hasoru nia. 

 “Primeiru Ministru dehan semak halo funu liu hau mos labele husik tama lai,” haktuir seguransa. Maibe grupu veteranu ne’ebe lidera husi Prezidenti OCRN Afonso Ranjel ne’e la simu lia fuan ’duni’ ne’ebe hateten husi seguransa sira. 

“Ami hamrik koalia maibe sira haruka ami dehan ba tuir prosedura, maibe ida seluk ne’e duni fali ami, ne’e mak ahu dehan, la’e,” dehan Afonso. Afonso ne’ebe nu’udar Prezidenti OCRN ne’e hatutan tan katak, ne’e la simu lia fuan duni, maske nia hakarak entrega dokumentus veteranus balun no hato’o nia preokupasaun ba PM Xanana. 

 “Dehan duni hau ne’e, hau miliasia mak imi (seguransa) duni hau,” haktuir nia. Nune’e mos pesoal seguransa la simu lia fuan milisia, pesoal seguransa isra mos nervozo hodi deskute malu ho Prezidenti OCRN ne’e ho lia fuan maka’as, tanba sira mos senti katak sira laos milisia mak halo segurans aiha palacio governu. 

 “Ami mos laos milisia mak halo seguransa iha ne’e, ami kumpri deit orden, tama tenki tuir regra ne’ebe iha, se ami fo tama deit ami mak sala nafatin,” dehan pesoal seguransa palacio governu. 

Hatan jornalista kona ba, nusa mak la ba hasoru Sekretariu Estadu Antigus Kombatentes Luta Libertasaun nasional (SEAKLN) ne’ebe mak responsabliza veteranus. Afonso dehan, nia hakarak hasoru PM xanana tanba PM xanana mak autoriza veteranu sira organiza an atu fo apoiu ba governu ho Prezidenti. 

.