“UDT Hato’o Problema Estrada Ba TMR”

,

Jornal Nacional Diario - Sesta-Feira, 05 Abril 2013 

Prezidenti Partido Uniao Demokratika Timor Leste (UDT), Gilman dos Santos, Kinta feira horseik hato’o Problema estrada nian ba Prezidenti da Republika, Taur Matan Ruak (TMR). 

 “Ohin ami hato’o nafatin ba sua excelencia Sr. Prezidenti da Republika para halo nus abele ezjizi nafatin ba GOvernu hodi tau matan ba dalan (estrada), tanba Dezenvolvimentu ba nasaun ne’e, primeiru tenki dalan, tanba dalan laiha ital abele la’o ba mai, i se ital abele lao ba mai dezenvolvimentu akonomia labele lao,” hateten Gilman dos Santos ba Jornalista hafoin enkontru ho Prezidenti da Republika, iha Palacio Prezidenti, Bairo Pite, Dili. 

Sorumutu ne’e Prezidenti Partido UDT akompania husi Sekretariu Jeral UDT, Cipriano Goncalves alende hato mos preokupasaun dezenvolvimentu infraestrutura hato’o mos informasaun kona ba iha ezistensia grupo illegal balu iha Distritu Ermera hodi hatauk komunidade atu hala’o atividade loro-loron. 

“Ami husu para sua excelencia Sr. Prezidenti da Republika hanesan ita nia nain ulun boot iha nasaun ne’e, bele ejiji ba GOvernu hodi book an oituan labele hanoin dehan fo ona projeitu ba iha kompania sira pronto agora kompania atu halo ka la halo fo tiha ona, maibe halo nusa mak it abele kontrola, nune’e sua excelencia Sr. Prezidenti hateten favor imi (UDT) mos kontrola,” haktuir nia.

 Nune’e mos, Prezidenti hateten tan katak, nia sei hateten ba GOvernu atu kria mekanismu diak hodi kontrola ba projeitu estrada sira ne’e. Kona ba grupo illegal iha Distritu Ermera, Presidenti UDT ne’e sujere ba Prezidenti Republika atu bele husu Komando F-FDTL hodi bele desloka membru balun ba Ermera, atu bele komunidade sira hala’o nia aktividade loro-loron ho diak.

.