Radio Liberdade - Friday, 26 April 2013 - By Sumarui husi Liantimor
Liantimor – Dili. Primeiru-Ministru,
Xanana Gusmão kontra politika Ministru Turizmu no Kultura (MTK) hodi
halo programa miss Timor-Leste 2013.
Xefe Governu hateten katak, tempu agora
seidauk premite atu halo programa ne’e, tanba povu iha nasaun ne’e barak
mak sei moris iha ki’ak nia laran.
PM Xanana dehan haree ba realidade
ne’ebe iha povu TL barak mak ohin loron persiza barak liu ai han, bee
moos, eletrisidade no irigasaun ba sira nia to’os no natar hodi bele fo
produsaun diak ba sira nia nesesidade lor-loron.
“Ita lalika preokupa iha ida ne’e tanba
ita nia miss barak ona hanesan miss understanding, miss coordination,
miss communication no miss bara-barak tan,” hateten Xanana ba
Jornalistas, iha Palasiu Ai-Tarak Laran, Kinta (25/4).
Nune’e, Vise Primeiru Ministru, Fernando
Lasama de Araujo hateten, kriatividade loke Miss TL positivu tebes,
maibe tenke halo definisaun klaru kona-ba saida mak atu aprezenta husi
miss ne’e.
“Tenke define buat didiak saida mak ita tenke aprezenta iha ne’eba”, tenik nia.
Tuir nia, esperiensia iha nasaun seluk,
ema sira ne’ebe atu sai miss tenke iha konesimentu kle’an kona-ba area
hotu-hotu inklui hatene lingua barak no importante tenke iha kapasidade.
|ep
.
Sem comentários:
Enviar um comentário
Nota: só um membro deste blogue pode publicar um comentário.