“Taur Preokupa Povu Nia Moris Diak”

.

Jornal Nacional Diario - Kinta-Feira, 04 Abril 2013 

Prezidenti da Republika (PR), Taur Matan Ruak (TMR) la preokupa ba seguransa rai laran, tanba seguransa lao diak, maibe preokupa dezenvolvimentu ba povu iha area edukasaun, saude no seluk tan hodi povu hotu bele hetan moris diak liu tan. 

“Sr. Prezidenti Preokupa liu-liu moris ita nia povu nian, seguransa hau hanoin katak Sr. Prezidenti ladun preokupa pork e ita haree ita atravesa situasaun difisil, agora ita haree katak ita mesak nia ladun preokupa situasaun, preokupa liu-liu mak dezenvolvimentu, kona ba edukasaun, Saudi ba ita nia povu nian, ida ne’e mak nia preokupa,” Maijor Jeneral Lere Anan Timur dehan ba Jornalista sira Kuarta (3/4) iha Palacio Prezidenti Bairo Pite, dili, hafoin halo enkontru semanal ho Prezidenti da Republika (PR), Taur Matan Ruak.

 Iha enkontru semanal ne’e, Maijor Jeneral Lere Anan Timor akompania mos Brigadeiru Jeneral Filomino Paixao, Xefe EStadu Koronel, Falur Rate Laek. 

Lere informa liu tan, iha enkontru semanal ne’e informa situasuan no kondisaun instituisaun F-FDTL no mos seguransa rai laran ba Xefe EStadu. 

“Primeiru nia husu ami nia saude, saude diak ka lae, mash au dehan katak saude diak, segundu, nia husu situasaun forsa ninian, hau dehan situasaun forsa diak i kona ba nia prioridades aktividades ne’ebe mak ami fo nia atensaun liu-liu aktividade ne’ebe mak estabilidade i mos kona ba situasaun rai laran ninian, ami informa mos situasaun ne’ebe ka Sr. Prezidenti presiza hatene,” Lere haktuir. 

.