Jornal Nacional Diario - Kinta-Feira, 04 Abril 2013
Segundo Komandante Polisia Nasional Timor Leste (PNTL) Komisariu
Afonso de Jesus iha Posiblidade bo’ot hodi troka komandante Jeral PNTL
Longuinhos Monteiro hafoin Mandatu Longuinhos Monteiro remata iha
fulan tolu tuir mai.
Afonso de Jesus nia figura simples ho kalma, maibe kompetente tebes,
nia assume kargu nudar Segundo komandante durante periode hirak nia
laran la sente kolen e baruk maibe badinas nafatin hodi buka meus
oin-oin atu lori PNTL hakbesik liu aan ba povu.
Maturidade Afonso de Jesus nian hatudu ona iha krizi 2006 bainhira
instituisaun PNTL nakfera, Afonso de Jesus mantein nia pozisaun nudar
promotor lei no orden nian hodi la inklina ba grupu A ka B iha momentu
ne’eba.
Hare ba esperensia hirak ne’e, kestaun loyalidade, responsablidade
parese la tau iha kauza, hein katak Afonso de Jesus rasik iha mos
nyali ukun nian.
Entertantu, tuir Vice Diretor executivo Fundasaun MAHEIN Joao Almeida
katak, Afonso de Jesus rasik iha mos nyalin ukun nian.
Nia mos hateten tan katak, Afonso de Jesus, inklui ofisial nain 12
priense kategoria hodi troka pozisaun Longuinhos Monteiro bazeia ba
lei organiku PNTL artigu 9.
“Afonso de Jesus iha kapasidade no kompetensia atu bele assume kargu
komandante Jeral PNTL nian iha futuru,” Joao Almeida haktuir ba
JNDiario iha nia kna’ar fatin, Balide, Kuarta (3/4).
Joao Almeida haktuir tan, se deit mak lori kargu komandante Jeral PNTL
las kestaun, importante ba fundasaun MAHEIN mak tenki portifika
servisu Polisia komunitariu no difini Filosofia PNTL nian.
Basa sira nia servisu involve autoridade hotu-hotu hodi halo seguransa
ba rai laran, nune’e sei la hamosu situasaun negativu.
,
Sem comentários:
Enviar um comentário
Nota: só um membro deste blogue pode publicar um comentário.