Hatan Kareta 12 Iha Kontainer Laran “Diskonfia Ukun Na’in Balun Iha Kotuk”

.

Jornal Timor Post - Segunda-Feira, 08 Abril 2013 

Diretor Caimaleloqui Rui Castro konsidera, notisia kona-ba kompania balun manipula dokumentus hodi hatama kareta 12 iha kontainer laran, ne’e laos noticia foun. 

Tanba dehan sasin Rui katak, uluk iha Vice Primeiru Ministru Mario carrascalao nia tempu, nia (Rui-red), hato’o keixa relasiona ho kareta ne’ebe tau iha kareta laran, sira sobu perpagos kareta sobu rahun hotu, mak foin monta iha ita nia rain, iha tempu Mario Carrascalao nia parte hato’o keixa no mensajen lubuk ida, maibe laiha resposta to’o agora. 

“Sobre ba problema foin dadaun ne’e, hau rekomenda atu halo investigasaun klena ba kompania, nune’e nia bele deskobre ema ne’ebe iha nia kotuk, tanba hau fiar iha mafia balun maka fasilita sira nia aktividade ne’e laos ema ki’ik, maibe ukun nain balun,” afirma Rui ba Jornalista (7/04). 

Rui hateten, nia parte fiar kompania hirak ne’e brani atu halo buat sira hanesan ne’e, sei laiha ema balun diak apoiu ba sira, tanba ne’e, investiga laos ba deit kompania maibe ba mos iha mafia balun iha sira nia kotuk. 

“Hau fiar 100%, ne’e la’os foin primeira vez akontese, maibe beibeik ona no iha ema balun iha kotuk hamutuk ho sira, ne’e laos ema ki’ik maibe ukun nain balun, inklui ema balun imigrasaun no Alfandega, tanba ne’e mak sira brani manipula dokumentus hatama kareta 12 iha kontainer laran,” kestiona Rui. 

Rui dehan tan, desizaun ne’ebe Governu foti karik, maka tenki hamate lisensa kompania, hamate aset ne’ebe kompania iha hodi hatama baa set governu, ida ne’e akontese kompania sei deskobre ema ne’ebe iha sira nia kotuk, hodi nune’e ema seluk iha loron ikus halo tuir most auk ona.

.