Jornal Independente - Tersa-Feira, 09 Abril 2013
Primeiru Ministru Xanana Gusmao hatete, nia ho eis Primeiru Ministru
Mari Alkatiri tenki hamutuk tanba hakarak sai defeza ba estadu ho ema
seluk labele sobu tan Timor Leste hanesan krizi 2006.
Eis Gerileiru ne’e dehan, nia ho Alkatiri konkorda katak, ba interese
nasional sira nain rua tenki hamutuk hodi defende.
“Ba buat ne’ebe interese nasional ita tenki hamutuk, ita nain rua
tenki hamutuk para ema labele sobu ita,” dehan PM Xanana.
La temi se mak sobu nasuan ne’e, Xanana dehan, nia tauk tebes bainhira
ema kontinua sobu no soran Timor-oan sira hodi kria konflitu.
“Tamba haut auk ema bele sobu ita, mak sobu dadauk ho buat kiik (sira
ne’e),” dehan PM Xanana.
Kuandu sira rua hamutuk, Xanana dehan, laiha ona fatin ba ema atu fahe
no soran Timor-oan sira.
“(Ami rua Hamutuk) para labele fo fatin ba ema mai fahe ita no esplora
ita,” dehan PM Xanana.
Maibe, estrada la diak, bee laiha, eletrisidade mate beibeik, aimoruk
falta, Xanana dehan, sira nain rua hakilar malu nafatin.
Hanoin ida ne’e, Xanana dehan, kuda mos kultura ida ba jerasaun foun
halo tuir no hadomi sira nia rai.
“Labele fa;an an ho ema nia osan,” dehan Xanana.
Jerasaun sai lider, Xanana dehan, laos atu kontenti (enjoi) ho kargu
ne’ebe iha maibe tenki lori todan hodi hadia povu nia moris.
“Ha’u hakilar beibeik hau nia Ministru sira para servisu didiak no
haka’as an,” dehan PM Xanana.
,
Sem comentários:
Enviar um comentário
Nota: só um membro deste blogue pode publicar um comentário.