“Posivel Lucia Lobato Hetan Liberdade”

.

Jornal Nacional Diario - Kuarta-Feira, 24 Abril 2013 

Prizioneira eis Ministra Justisa, Lucia Lobato, POsivel boot bele hetan liberdade iha semana oin hodi fila ba moris ksolok hamutuk fali nia familia no parente tomak. Advogadu Lucia Lobato nian, Jose Pedro Camoes, 

Tersa (23/4), esklarese katak, dala ruma nia kliente Lucia Lobato bele sai ona husi prizaun iha semana oin, bazeia ba rekursu estra-ordinariu habeas Corpus (tahanan illegal) foun ne’ebe sira hatama iha loron hirak liu ba ne’e. 

 “Iha informasaun dehan, ami nia kliente iha semana oin posiblidade hetan liberdade, ami hein de’it desizaun iha semana oin mai ne’e, tanba rekursu estra-ordinariu foun ne’ebe ami hatama ne’e ami aprezenta tan provas foun ba Tribunal Rekursu (TR), no tuir lei iha semana oin mai TR tenki fo desizaun ona ba rekursu ne’e,” informa Advogadu Jose Pedro Camoes. 

 Husi sorin seluk, ofisial Justica iha Tribunal rekursu informa ba JNDiario katak, iha loron hirak liu ba ne’e, ekipa advogado Lucia Lobato nian hatama duni ona rekursu estra ordinariu habeas corpus foun ida ho provas foun tan atu TR bele haree fila fali. 

 Rekursu estraordinario ne’e mos atu haree fali akordaun habeas corpus ne’ebe hasai tiha ona hodi mantein nafatin desizaun tinan lima komarka ba Lucia Lobato. Prosesu rekursu estra-ordinario habeas corpus foun ne’e iha hela prosesu no agora Juiz Guilhermina mak kaer no estuda hela prosesu ne’e. 

,