Kazu Osan Lakon Iha Banku Ultramarinu Baucau; “Padre Nain 3 Sai Arguidu”

.

Notisia Husi TVTL - Sesta-Kalan, 05 April 2013 

Padre nain 3 sai arguidu ba kazu osan lakon iha Banku Ultramarinu iha Baucau, arguidu nain 3 ne’e hamutuk ho arguidu nain 9 sira seluk mos marka prezensa iha julgamentu ne’ebe hala’o iha Kinta-feira iha Tribunal Distrital Baucau. 

Maske autor prinsipal ba kazu osan lakon ho montante U$267.500 (rihun atus rua nen nolu resin hitu pontu atus lima iha) dollar Amerikanu iha Banku Nasional Ultramarinu Baucau, la marka prejensa husi arguidu 11 inklui padre nain 3 hodiPartisipa iha audensia julgamentu ne’e. 

Iha julgamentu ne’e, Ministeriu Publiku akuza arguidu prinsipal nain 2, Diretor nain 2 Filial Baucau, Agustinho Antonio Gusmao no Joao da Costa Ximenes Goncalve nu’udar eis funsionariu BNU ho artigu 251 kodigu penal kona ba pronto abragado. 

Entertantu arguidu 12 sira seluk, Ministeriu Publiku akuza ho artigu 262 kodigu penal Timor Leste kona ba reseptasaun agravada. Iha julgamentu primeira audensia ne’e, prezidi husi juis koletivo Jose Goncalves, Ministeriu Publiku reprejenta Dr. Baltazar Ramos no arguido ne’ebe marka prejensa 11 akompania husi depensor publiku no advogado privadu, inklui husi komisaun justica e paz. 

Primeira audensia julgamentu ne’e labele hala’o tanba arguidu prinsipal nain 2 hanesan arguidu Agustinho Antonio Gusmao, Joao da Costa Ximenes Concalves inklui arguida Selita Maria Ximenes la marka prezensa tamba la hetan notifikasaun husi Tribunal. 

Arguido Joao da Costa Ximenes Goncalves rasik ne’ebe oras ne’e iha prizaun preventiva Becora la marka prezensa iha Tribunal tanba laiha transporte hodi fasilita tuir julgamentu iha Baucau. Ho desizaun ida ne’e, parte defensor no advogado sira la satisfas tamba sira tenki soe sira nia tempu maibe laiha rejultadu.

.