“Governu Sei Hapara Arte Marsiais Ne’ebe Komete Krimi”

.

Jornal Timor Post - Sesta-Feira, 26 Abril 2013 

Vise Primeiru Ministru asuntu Sosial, Fernando La sama ameasa, governu taka arte marsiais ne’ebe kontinua komete krimi no kaer sira ne’ebe hanesan autor konflitu hodi hatama ba kadeia. 

“Governu mantein nafatin rejulusaun ne’ebe hasai ona iha tinan hirak liu ba, katak Artemarsais ne’ebe sempre komete iha krimi sei hapara sira nia atividade, no kaer autor sira ne’ebe kontribu ba konflitu,” dehan La sama ba jornalista, wainhira hamutuk ho primeiru Ministru Xanana Gusmao hodi hasoru malu ho Prezidenti Republika, Taur Matan Ruak iha Palasiu Prezidensial Nicolau Lobato, Bairo-Pite, Dili kinta (25/4). 

 Oras ne’e dadaun, La sama hateten polisia buka hela informasaun kona ba ema ne’ebe mak malandru hodi kria konflitu iha bairu-bairu. “Kuandu sira mak la kumpri rejolusaun ne’ebe governu hatuun, polisia sei kaer sira hodi halo prosesa, komunidade tenke hateten lolos sira nia naran atu nune’e polisia ba kaer hodi ba hatama iha kadeia,” dehan La Sama. 

Nune’e mos, kona ba aktividades kobransa illegal ne’ebe halao husi grupu deskonesidu balun iha Distritu ermera,”La Sama” hateten, oras ne’e dadaun Polisia reforsa ona ninia papel hodi tau matan ba situasaun refere. 

 “Hau fiar katak, iha tempu badak PNTL sei halao ninia asaun iha ne’eba hodi evita atividade kobransa illegal ne’ebe mosu. 

 Nia mos konfesa tan katak, komunidade sira iha Ermera fo ona kontribuisaun ba pas no estabilidade iha rai ida ne’e, ne’e duni sira informa ona situasaun riil iha ne’eba. 

 Situasaun hanesan mos mosu iha Covalima no Bobonaro, Polisia espesial sira iha ona ne;eba hodi lori fali situasaun hakmatek ba komunidade sira inklui hametin fali displina ba ema sira ne’ebe involve iha atividade kobransa illegal ne’e.

.