Pe. Martinho Gusmao: “Miss Timor Buka Kampu Servisu”

.

Jornal Timor Post - Sesta-Feira, 26 Abril 2013 

Eis Komisariu Nasional Eleisaun (CNE), Padre Martinho Gusmao konsidera, ideias Ministeriu Turizmu Ne’ebe xefia husi Francisco Kalbuady ne’e hanesan buka kampu servisu ka lapangan kerja de’it atu lakohi ou hetan osan nakukun ka makan uang haram. 

“Iha Larine ma dehan “Non Multum Sed Multa”, la’os halo buat barak, maibe halo buat diak, problema la’os presiza ka la presiza, perioridade ka laos perioridade, problema maka ministru sira hakarak iha “lapnagan kerja” no lakohi “makan Uang haram”,” Padre Martinho Gusmao koalia assuntu ne’e bainhira dada lia ho Jornalista Timor Post liu husi media social (Facebook), Kuarta, (24/4), relasiona ho Ministeriu Turizmu no kultura atu realiza eventu Miss Timor iha tempu badak. 

Tuir Gusmao katak, naran hanoin deit loke eventu Miss Timor Leste 2013 ne’e atu sira (Ministru-red) depois foti tiha tur iha kadeira ministru, duke tur bilan de’it diak liu halo netik buat ruma atu ema bele dehan, ema moris halo rai nia naran, ne’e de’it. 

 Eis komisariu CNE ne’e mos la menta liu tan katak, se feto rurais barak bele gasta U$20.000 ba ema suku 10, karik Miss Timor Leste ne’e gasta hira, tanba ne’e, Gusmao argumenta katak, konsekuensia maka ne’e duni, kuandu governu monta Ministru bar-barak maibe rezolve problema oituan deit maka hanesan hahan, saude no eskola, diak liu mak monta deit ministru nain tolu, mak hanesan ba saude, Agrikultura no Eduksaun. 

 Hatan kona ba atividades ou eventu ne’e presiza realiza atu hatudu talentu feto Timor nian ba mundu, tuir resposta Gusmao katak, sa talentu ida fali, karik talentu kulit no ruin no kakutak naton ka lae. Padre Gusmao mos hato’o nia preokupasaun katak, Miss Timor 2013 ne’e keta halo, balun gizi buruk, saude la premiti no konsementu ba sientia ho teknolojia la to’o karik no konesementu seluk tan. 

 Parte ida, hatan kona ba Miss Timor 2013 ne’e laos buat negativu ida para publiku preokupa hanesan ne’e, tuir Padre Martinho katak, se lao negativu tansa ema hotu atu preokupa, ne’e sira deit mak halo atividade.

.