“Dezvia Osan Estadu ba Halo Uma Andar”

.

Jornal Nacional Diario - Segunda-Feira, 22 Abril 2013 

Arguido Joaquim Jose Mario Retivele da Cruz, ne’ebe deskonfia halo korupsaun legal hodi dezvia tiha ona estudu nian ba nia konta bnkaria privada, oras ne’e, goza iha uma andar rua ne’ebe halo iha nia rai moris fatin Suku Rasa, Distritu Lautem. 

Arguidu Joaquim Jose Mario Retivele da Cruz, nuudar ofisial finansas iha Ministeriu Finansas, deskonfia halo dezvia osan estadu nian ho montante U$346,712.33 ba nia kontra Bankaria 601000450398 iha banku Mandiri ho naran East Timor Service. 

Osan ho Valor U$346,712.33 ne’e, Arguidu Joaquim futu lia ho nia maun Domingos Paixao, no nia kaben Arguida Rosalina da Consecao, hodi uza osan ne’e ba ariku an. 

Osan ne’e tuir loloos, atu utiliza ba interese Ministeriu Finansas nian hodi fo kapasitasaun ba funsionariu, bolsu estudu no mos atu selu salariu ba asesor nasional ho internasional iha Ministeriu Finansas. 

Iha kontinuasaun julgamentu ba aktu korupsaun ne’ebe komete husi arguidu Joaquim Jose Mario Retivele da Cruz, Sesta (19/4), Ministeriu Publiku (MP) aprezenta testamunha Francisco martins, nudar badaen ne’ebe mak responsablzia ba konstrusaun Joaquim nia uma andar rua iha Suku Rasa. Iha Tribunal nia oin, testamunha Francisco Martins, rekonhese katak, arguido Joaquim nia uma ne’ebe nia rasik halo iha Rasa ne’e boot tebes hanesan Hotel balun iha Dili laran. 

Kontratu halo uma ala Otel Arguidu Joquim nian ne’e halo diretamente ho Francisco Martins nia aman, ne’ebe konsagra katak, sira hotu ne’ebe servisu iha konstrusaun uma ne’e loron ida seluk U$ 5.00, ne’ebe hetan kontrola pro ativu husi Domingos paixao, nudar arguido Joaquim nia maun. Testamunha Francisco mos deklara ba Tribunal katak, sira halo uma durante tinan ida nia laran, kontratu ho valor hira, nia lahatene, tanba nia aman mak halo kontratu, maibe tuir nia hatene kontratu ne’e hateten, katak servisu loron ida sira hetan U$5,00 no bainhira servisu remata Arguidu Joaquim selu osan ba sira liu husi cehck deit.

MP mos aprezenta testamunha Iria de Fatima ne’ebe mak arguidu sira aluga beibeik nia kareta hodi tula sasan ba Distritu lautem. 

Iria deklara ba Tribunal katak, iha tinan 2011, Arguidu Joaquim ba aluga bei-beik nia kareta baskolante hodi tula sasan konstrusaun nian, hanesan sementi, blok, besi no sleuk tan hodi lori ba Distritu Lautem. 

Wainhira prosesu konstrusaun uma ne’e remata, arguidu Joaquim bolu Iria ba nia uma foti check hodi ba foti osan iha banku mandiri. 

Julgamentu ba kazu ne’e presidi husi Juis koletivu Ana Paula Fonseca, Jacinto Correia, no Julio Gantes, MP reprejenta husi Prokurador Oscar Tavares no Vicente Brito, Arguidu nai tolu hetan defesa husi Advogado Privadu Jose Pedro Camoes.

.