“Hospital Suai Deve Komunidade Nia Osan U$3000”

.

Jornal Nacional Diario - Tersa-Feira, 09 Abril 2013 

Reprejetante povu iha uma fukun Parlamentu Nasional (PN), husi bancada CNRT, Cistovao Barros informa katak, Direktur Jeral saude Hospital referral Suai no Xhefe Departementu Logistik Hospital referral Suai,, iha tinan 2010 liu bad eve komunidade sira nia osan hamutuk U$3000 to’o agora seidauk selu. 

Relasiona ho problema ne’e, deputaduCristovao Barros husu ba Sekretariu do Estado Asuntu Parlamentar Terezinha Viegas atu hato’o ba Ministeriu Saude atu hasai tiha ema sira ne’ebe gosta kora komunidade sira nia osan ne’e. 

“Hau hakarak dehan de’it katak, agora problema ida mosu iha Hospital Referal Suai mak halo ita moe, hanesan Director Jeral Hospital, Administrador Hospital Suai nian sira hamutuk empresta komunidade nia osan hamutuk U$ 3mil iha tinan 2010 no to’o agora seidauk fo fila sira nia osan, rajaun empresta osan ne’e atu sosa nesesidade hospital nian,” hateten deputado Cristovao Barros liu husi nia intervensaun iha plenaria, segunda (08/4). 

Ho problema ne’ebe akontese iha parte saude nian ne’e, Cistovao dehan, foin lalais iha pasiente ida hetan moras lori mai atu halo tratamentu iha Centru saude maukatar, maibe Enfermeiru laiha, tanba ne’e, desidi lori mai liu husi Hospital referral Suai nian, maibe konbustivel laiha, entaun obrigado pasiente ne’e lakonsege salva nia vida to’o nia tenki mate. 

Aleinde ne’e, deputadu bancada FRETILIN, Aurelio Freitas mos kestiaona maka’as servisu Ministeriu saude nian kona ba fasilidade iha HNGV nian ne’ebe to’o agora la sufisiente. 

Deputadu ne’e hatutan tan katak, laos ne’e deit, maibe iha aimoruk lubuk ida ne’ebe importante ba ema nia vida mos laiha tiha ona durante fulan 6, liu-liu Aimoruk Antibiotika. 

.