Populasaun Manufahi 84% Moris Mukit: “PM Xanana Husu Prepara An Ba Municipio”

.

Jornal Nacional Diario - Kinta-Feira, 18 Abril 2013 

Primeiru Ministru (PM) Kay Rala Xanana Gusmao, informa katak, populasaun iha Distritu Manufahi oras ne’e dadauk hamutuk 84% moris iha mukit nia laran. 

“Husi 48 mill iha Distritu ida ne’e, liu oituan rihun 48 populasaun Distritu tomak, 84% moris iha mukit,” esplika PM Xanana Gusmao Kuarta (17/4) iha edifisiu administrasaun Distritu Manufahi, liu husi aprezentasaun programa desentralizasaun ba harii Camara Municipio. 

 Tanba problema hirak ne’e, Xefe Governu Xanana Gusmao husu Manufahi oan sira atu prepara a’an didiak liu tan ba harii Municipio, Objetivu ida ne’e maka sei fo dalan atu dezenvolve Distritu tomak. 

“Objetivo boot ba Municipio kuandu ita hanoin hanesan ne’e ita atu dehan katak, ita preparadu ona ho 5 mil ema ho rekursu naturais ne’ebe maka imi iha,” dehan PM Xanana. 

Iha oportunidade ne’e, PM Xanana mos husu mos ba Policia Distrito Manufahi, atu taka tiha jogu Bingo, tanba ferik sira iha Dili simu tiha osan idozu husi Estadu uza hodi joga fali Bingo. 

 “Hau husu boot iha same (Manufahi) ne’e ferik sira lalika joga Bingo, tanba iha Dili ferik sira simu osan ba joga tiha hotu Bingo,” tenki PM Xanana. Iha fatin hanesan, Adjuntu Administrador Distritu Manufahi, Arantes Isaac sarmento, hateten, ho matenek oan ne’ebe Distrito manufahi iha, bele garante katak, Distrito Manufahi bele harii duni Municipio ho diak. 

“Hau fiar katak, ho matenek Manufahi ona ne’ebe iha ami fiar katak, ba oin Manufahi bele hari Municipio,” promete Arantes. 

.